Masamu 72:5 - Amazwi Yakwe Leza 2013

⁵ Antu yako yangakupepa ndi muno wacela, ndi vino umwezi ukapeela uluswepo, umu nkulo zyonsi iziliza.

Masamu 72:5 Iomraidhean Croise

1 Yamwene 3:28

Lino antu yonsi amu Izlaeli yuvwa upinguzi uno umwene wapingwile, iyatandika ukoopa umwene, pamulandu wakuti yaweni ukuti akweti amano ukufuma kuli Leza akulungika umu kuputula kwa milandu.

Masamu 72:17

Antu yangala yateezya yamwilila, nu lulumbi lwakwe lwalu kuyelelela wi lanzi. Antu ya mitundu nayo kayalumba umwene wa mpanga yao, yapapata na Leza ukuti ayapolelele, ndi vino wapolelile umwene wa mpanga yao.

Masamu 72:7

Leka usuma uvulisye apa nsita ino Mwene ali pano nsi, ni syuko lya antu likayeko insita yonsi, ukufika na pano umwezi ulata ukuya penepo.

Masamu 89:29

Ana yakwe ali yano yamatwalililanga ukuya apa wene pee, nu wene wao ulayelelela pee na ndi, wi yulu.

Ezaya 9:7

Uwene wakwe ulandalila konsi konsi. Ulasyukila ulongo ulutalasila. Wene alikala apa cifulo ca wene wakwe Davidi nga nu kuteeka uwene wakwe. Wene alausimpa nu kuukomya umu ulungami nu mu ololoke. Ukutandikila sile pali ndakai ukufika na pano insi ilasilila. Ee, cumicumi, avino Yawe Wamaka yonsi alafikilizya cico.

Danieli 2:44

“Umu nsita zyakwe yakateeka yalya, Leza wa kwiyulu alakatusya uwene uno utalatala wononwe. Wene utalatala ucimviwe, lelo ulonona amawene yauze yonsi nga lyene wikalilila amanda pe.

Danieli 7:14

Wene wapilwe amaka, ululumbi nu utesi, kuti misango yonsi ya antu, na antu amu nko zyonsi ni ndimi, yangamutumikila. Amaka yakwe autesi yalatwalilila amanda pe, nu wene wakwe utalasila.

Danieli 7:27

Amaka nu ukulu wa mawene yonsi pano nsi ulapelwa ku antu yakwe Leza Wapapelapela. Amaka yao autesi yatalasila, nga na yakateeka yonsi pano nsi yalamutumikila nu kumuyela.”

Efeso 3:21

Lulumbi luye kuli Leza mwi uvi na muli Klistu Yesu mu mikulo yonsi na manda pe. Ameni.

Umbwilo 11:15

Nupya mungeli uwalenga cinimbali alizya ntandala yakwe, ngu mwiyulu muvwika mazwi akulu yati, “Ndakai akweti amaka akuteeka insi u Mwene witu na Katuula, nupya wene alateeka manda pe!”

1 Samueli 12:18

Icaleka Samueli apepa kuli Yawe, nga uwanda kwene ulya Yawe atuma ukupangalansya ni mvula. Acino antu yonsi pasi pakuvwa intete sana pamulandu na Yawe nga na Samueli.