Masamu 71:9 - Amazwi Yakwe Leza 2013

⁹ Utantazyela pa musango wakuti natinkota. Utansumba pa musango wakuti lyene natinsila.

Masamu 71:9 Iomraidhean Croise

2 Samueli 19:35

Indi ni myaka amakumi cinani iyakuvyalwa, nga kusi cimwi cino nkuzangilamo. Ntanguvwa umulyo muli consi cino nkulya nanti cino nkumwa. Nupya ntanguvwa amazwi yakwe yakiimba. Uzye lyene pacani cino ningakwanola sile we mwene wakwisaci?

Masamu 71:18

Nanti lyene nemo ninkota, ninkwata ni mvwi, ala utandekelezya we Leza! Uwaya nani lino nkulumbilizya amaka yako nu ukama wako, ukufika ni nkulo iiliza uku nkolelo.

Masamu 73:26

Nanti sile umwili wane nu mwenzo wane vingatontenkana, we Leza, wewe uli maka yane, awewe nkalukisya pee!

Masamu 90:10

Imyaka ya umi witu yapelela sile apa myaka amakumi cinimbali. Antu ya maka ayano yakafika uku myaka amakumi cinani. Nga lelo imyaka ya umi witu yonsi pano yapela ikatuletela sile amasakamiko na malanda. Ikapita sile zuwazuwa, naswe kwene ala ali mikukile.

Ezaya 46:4

Nene indi Leza winu nupya namamusunganga, mpaka lino mulakota mukwate ni mvwi. Nene namuumba, nupya nkamusunga. Nene namamwazwanga nu kumutuula.

2 Timoti 1:12

Acino pamulandu kwene uu, nemo nkucula. Lelo nsi na nsonyi pano indi nu upaalilo cuze, pano manyile wiyo wino nataila. Nupya nkusininkizya ukuti wene akweti maka akucingilila cico cino wandasika, kufika na pa Wanda wa mpelelekezyo.

2 Timoti 4:18

Mwene alankulula ku viipe vyonsi nga nu kunsenda mu Wene wakwe uwa mwiyulu. Aliwe kwene apelwe lulumbi manda pe! Ameni.