Masamu 7:9 - Amazwi Yakwe Leza 2013

⁹ Mala ivicitwa vya ukakasi vya antu aipe. Lelo antu akacita ivisuma uyalambule. Pano wewe Leza wino akapima amelenganyo ni myenzo kwene. Antu ukayaputwila imilandu ukulingana navino yakalonda, nga na vino yakaelenganya.

Masamu 7:9 Iomraidhean Croise

Utandiko 20:5

Abulaamu umwisikulu uwanenyile ukuti Sala akaci wakwe, na Sala kwene wanena cili cimwi. Namanyile ukuti usi mulandu kumutwala, nupya ntaponzile.”

1 Yamwene 8:32

we Yawe kuko kuno waya kwiyulu, uwauvwa nupya uwapingula aomvi yako. Umuntu mwipe wene uwamupezya ku anisi yakwe, lelo uwakaele wene uwamutungulula.

1 Milandu 28:9

“Acino we mwanane Solomoni, wauvwila Yawe Leza wa vikolwe vyako, nu kumutumikila nu mwenzo wako onsi, umu kuitemelwa. Pasi pano Yawe akaceceta umwenzo wa muntu ali wensi, nu kumanya ilango ni vilondwa vitu vyonsi. Ndi cakuti wamulondalonda, ulamuzana. Lelo ndi wamufutatila, nawe kwene alakutazyela umuyayaya.

Masamu 10:15

Ale fwandi tembola amaka ya muntu mwipe nu mukakasi. Uyavunuke apa viipe vino yacita mpaka yasuke yatelelele.

Masamu 10:18

Ukacitila ana asyale na yao afyengwa ivya ulungi pakuti antu avyalwa umu nsi yatakatale yayofye nupya.

Masamu 11:5

Yawe wapima mpiti umololoke nga ni nkakasi. Wapata uwatemwa ukang'ansi.

Masamu 139:1

We Yawe, wanjezya nu kumanya wamanya.

Masamu 17:3

Nanti angala wemo wasakaula umu mwenzo wane, nupya wiza wampima usiku, wanjezya umu musango uli onsi, lelo pasi nanti umulandu umwi uno wazana. Nemo nsilanda iviipe.

Masamu 18:21

Nkawaka amasunde yakwe Yawe, nupya nsicita iviipe nu kufuntuka kuli Leza wane.

Masamu 26:2

Utale uncecete, we Yawe, nu kunjezya. Umpime umu myelenganyizizye yane nu muvilondwa vyane.

Masamu 35:23

Vwandamuka Mwene, kanzana, katuka we Leza wane, umvwangileko.

Masamu 37:23

Yawe aliwe akatungulula intampulo muno umuntu angapita ningo, nu kumuzanzya cikamuzanzya ndi walola vino akutampula ningo.

Masamu 40:2

Wamfumya mu ciwina icitaiipila, umu matipa umu lutikiti! Anteeka apa ciliwe apapela, pano nasonkomala.

Masamu 43:1

We Leza, si mvwangile uku antu atakwata uluse, yayo atakusakamala, untulanye uku antu ya ufi nupya aipisye yamwi!

Masamu 44:21

ngano wamanya mpiti. Pano inkama zyonsi izyaya umu myenzo ya antu, wemo wazimanya.

Masamu 58:6

Yakwikole amino we Leza, utamole ni vifulo vyakwe yacisama akali yayo, we Yawe!

Masamu 9:9

Yawe ali cele lyakuzina kuli yano yafyengwa. Angala aye ilinga mu kasita ka ucuzi.

Masamu 96:10

Mwalazye umu inamasi muti, “Yawe ali Mwene! Insi yonsi izyansya, itange itelengane foo. Wene alapingwila imitundu yonsi nu ulungi.”

Masamu 96:13

apa manso yakwe Yawe, pano wene wataiza uku kupingwila insi yonsi. Wene alapingula insi yonsi umu ololoke, nga na antu amitundu yonsi mu cisinka.

Masamu 98:9

apa manso yakwe Yawe, pano wataiza uku kulolwesya insi. Alapingwila insi pano yapelela umu kulungika, nga ni mitundu yonsi nayo umu ulungi wakwe.

Yelemiya 11:20

Alino lyene nani impepa kuli Yawe inti, “Iye we Yawe Wamaka yonsi, wewe Mwene wino akalungika pa kuputula imilandu. Wemo ukaceceta vino antu yakwelenganya na vino yakuuvwa mu myenzo yao. Leka nemo indoleko kuno ukulandula pa antu yaa, pano nemo umulandu uu natuula kunuli.”

Yelemiya 17:10

Nene ne Yawe nkaceceta umwenzo wakwe cila muntu, nu kwezya amano yakwe. Nkapeela na cila wenga ukulingana ni micitile yakwe, ukulingana ni milimo yakwe ino akacita.”

Yelemiya 20:12

Lelo we Yawe Wamaka yonsi, wemo ukalungika apa kwezya antu. Wemo ukalola ivyaya mu myenzo yao nu munda zyao. Pasi pano nemo nintuula umulandu wane mu makasa yako.

Danieli 11:45

Wene alasimpa na mataalu yakwe aku wene apakasi kakwe yemba nu mwamba apa kuulwa Ng'anda ikulu yakwe Leza. Lelo wene alafwa, nga kutalaya umwi kuku uwakumwazwilizya.”

Milimo 12:23

Lilyo kwene mungeli wa Mwene alwalika Helodi pano atapile lulumbi kuli Leza. Helodi ingonyo zimulya, afwa.

Loma 16:25

Ka twalumbanya Leza! Wene ali na maka yakumukomya mu utailo winu kulingana ni Landwe Lisuma lino nkakosola pamulandu wakwe Yesu Klistu nga nu kulingana nu kusokoloka kwa nkama ya cumi icali icifiswe kufuma ku mikulo yampiti na mpiti.

1 Tesalonika 3:13

Mu musango ndi uu, wene alamukomelezya, nga namwe mulaya afumaluke nupya amuzilo pa manso yakwe Leza Tata, lilyo lino Mwene witu Yesu aliiza nupya pamwi na akwakwe yonsi amuzilo.

1 Petulo 5:10

Lelo pacisila lino mwacula pa kasita kanono, Leza wa cikuku, wino wamwama muli Klistu kuti mukapokelele lulumbi lwape, umwisikulu alaleka muye afumaluke, nupya akomeleke wa mufula wa maka.

Yuda 1:1

Kalata kufuma kuli ne Yuda, muomvi wakwe Yesu Klistu, nupya umwina wakwe Yakobo, kuli yano aamwa, akundwe yakwe Leza Tata nupya acingililwa na Yesu Klistu.

Umbwilo 2:23

Nupya ndakoma ana yakwe onsi, nga lyene mauvi yonsi yalamanya ukuti nemo namanya amelenganyo nu kulonda kwa muntu wensi. Ndapela cilambu kuli cila muntu uwa munomuli kulingana ni milimo yakwe.

1 Samueli 16:7

Lelo Yawe anena Samueli ati, “Utalola pa milolekele yakwe isuma nanti ukutalimpa kwakwe, pano asi wino nsonsile foo. Antu yene yakalola imilolekele ya kunzi, lelo ne Yawe nkalola ivili mu mwenzo.”

1 Samueli 2:9

“Aliwe akacingilila antu yano yakamuyela lelo antu akacita ukakasi yene akayasunkilizya mu kanda. Pano umuntu atangacimvya ku maka yakwe wenga.