Masamu 69:8 - Amazwi Yakwe Leza 2013

⁸ Nemo uku inane lyene naya sile wa mwenyi. Naya wa mwinamasi ku ana yakwe mayo.

Masamu 69:8 Iomraidhean Croise

Masamu 31:11

Anisi yane yonsi, makamaka ainipamba, yene yakansausya. Na yayo amanya yakundeoka. Nga yandola sile umu museo, yutuka!

Masamu 38:11

Ivyuza vyane, na inipamba lyane, yati yantaluka apamulandu wa vilonda vyane.

Masamu 89:51

We Yawe ala lola vino anisi yako yakunsoweka nene nemuno wasolola ukuya kateeka. Konsi sile kuno nati kampitile awe pasi pakunsuula.

Masamu 89:52

Endi, katule twalukulumbanya Yawe pee. Ciye vivyo kwene! Ciye vivyo kwene!

Ezaya 50:6

Nafutatile itundu lyane kuli yayo angumanga, na matama yane nisile kuli yano yanjipanga vilezu Ntafisanga usyu wane kuli yayo ansaalulanga nu kunswila amati.

Ezaya 53:3

Wasaalukanga nu kusulwa ku antu, wali umuntu wa ulanda, wene uvwanga ukali. Swemo twamusuuzile cakuti tutalondanga nu kumulolekesya, pano tutamwikanga pa untu foo.

Ezaya 53:4

“Umucumi wene waitwisile umweneco amacuzi itu, yayo yano swemo twali nu kuculako. Lelo swemo twamutunzile kuya wi syamo, twati wailetelela sile, ali cino Leza wamucuzizye.

Yelemiya 15:15

Lyene inti, “We Yawe, cico cene wacimanya. Uwanjiusya nu kungazwilizya. Uwandandwila kuli yayo akanzunya. Wemo usisoka zuwa, acino utaleka yankome. Waiusya ukuti nemo nkutukwa pamulandu wako.

Mateo 26:56

Lelo vyonsi vii vyati vicitika pakuti vino yakasema yalemvile vifikiliziwe.” Alino alondezi yonsi kwene yutuka yamusya wenga.

Yoane 1:11

Wizile ku mpanga yakumwao, lelo antu akumwao yatamuzengile.

Yoane 7:5

Na ina yakwe kwene yatamutaile.

1 Samueli 17:28

Eliabu silenzi wakwe lino uvwa kuno Davidi akulanda na antu, asoka sana nga atandika nu kukalipila Davidi ati, “Uzye icani cino wizile cita kuno? Uzye aweni wino usilile imfwele zizi umu lwanga kuti azicema, nanti angala zitavula? Namanya amatukutuku yako. Ala cumi kwene we mwance we utaya ningo. Wemo wizile sile ku kutamba ulwi!”