Masamu 69:3 - Amazwi Yakwe Leza 2013

³ Natintonta wakwe cimwi muno nkulaizya inti, “Ntuulwe!” Uku nsingo nako kwatikuuma. Amanso nayo yati yasuka iyatumbuka muno nkukulolekesya kuti wize untuule.

Masamu 69:3 Iomraidhean Croise

Yobo 11:20

Nga lelo antu akacita inkota yalati ndi yacelecensya, yatalalola ukwa kuutukila. Yalalolela sile ukupumbuka nu kufwa.”

Yobo 16:16

Nalila mpaka ni cinso cane ciyenzulukila, na manso yane yasuka yavimba, nga na pa manso pafita fititi.

Masamu 119:123

Amanso yane yatiyatonta muno yakulolela ufyusi wako, ukuluzi uno walavile.

Masamu 119:82

Amanso yane yatiyatonta umu kulolela vino wandayanga. Lino nataka nati, “Uzye alilaci lino ulangazwa.”

Masamu 22:15

Icikolomilo cane caticuma wa lukungu, nu lulimi lwane lwatilulematila ku kanwa. Watunsya wa mufwe umu lukungu lwa mfwa.

Masamu 22:2

Leza wane, muno nali nkupunda kasanya konsi lelo ukwaula kuti ungasuke. Nanti usiku kwene, ntange indole utulo!

Masamu 25:21

Si angala usuma na ucumi wane vile vincingilile, pano nemo nasintilila munuli.

Masamu 39:7

Ale lyene, Mwene, icani nupya cino ningataila? Nemo awewe sile wenga mpo wino nataila!

Masamu 40:3

Ali pakunsambilizya ulwimbo lupya, ulwakulumbanya Leza witu. Antu avule apakulola cico, yalaya ni coopo, nga yataile muli Yawe.

Masamu 6:6

Ukuteta kwati kuntonsya. Cila usiku nkulukusya sile aminsozi suka umusanzi wane iutipata na minsozi.

Masamu 69:21

Lino inzala yandumile, yanjikile sumu umu vyakulya. Lino ulusala lwandumile, nalyo yamwesizye waini umusasalume.

Masamu 88:7

Ukali wako wati untininkizya, ntange mfute ningo foo. Amayimbi yako yakuntuwizya.

Ezaya 38:14

Nelenganyanga wa kamimbi. Nalilanga wa nkunda, apakuteta. Amanso yane yatonsile muno nkuyatumbwila umupela. Lilyo ala nkuti sile iye we Yawe, sungala umpususye uku ucuzi uu.

Nyimbo zya ndosya 2:11

Amanso yane yatiyatontekana pamulandu nu kulila. Umwenzo wane pasi pakunyongoloka. Amaka yatiyasila pamulandu wakwelenganya vino antu yane yononwa. Ana anono kumwi nu tunya yakufwa ulwezwe mu misolo ya musumba pamulandu nu lusala.

Yoane 19:28

Alino pa nsita ilya Yesu wamanyile vino vyonsi vyati visila, nga pakuti cifikiliziwe cino calembwa mu malembelo, avwanga ati, “Nuvwa lusala.”

Malango 28:32

Ainamasi yalasenda mu uzya ana inu aonsi na anaci kwene ale mukulolekesyako sile. Cila wanda mulatumbula sile amanso, pakulola ndi yamawela.

Ayebulai 5:7

Lino Yesu wali pano nsi wene wapepanga nu kulenga Leza ni zwi likulu na minsozi, wino uwali na maka akumutuula ku mfwa. Leza wamuvwile, pano wene waicefizye nu kuya uwa cumi kunoli.