Masamu 69:20 - Amazwi Yakwe Leza 2013

²⁰ Intusi zyao, nemo zikundepola umwenzo, na kazwa nemo ntakwata. Nemo ntakwata. Nemo natailanga ukulola uwakundilila kweneko ulanda, awe cumi ntamuweni. Nanti uwakumyalalika umwenzo nawe kwene atalolike.

Masamu 69:20 Iomraidhean Croise

Yobo 16:2

Ampiti sana lino natandike ukuvwa mazwi ya musango uo. Na vyonsi vino mukuvwanga, vikumvulumwila sile amasakamiko.

Masamu 123:4

Apa nsita ntali, twaculisya muno uku misowe ya akama, nga nu kusuulwa uku antu ya vilumba.

Masamu 142:4

Lolekesya ukwi kasa lilunji lyane, lola kusi nanti umwi amanyile. Insi nu wakuti ningutukila kweneko, kusi uwasakamala umi wane.

Masamu 42:10

Vimatusi vya anisi yane vyati vimpezya amano. Yene yikalile sile ukunguzya pe pe pe iyati, “Nga Leza wako alikwi?”

Masamu 42:6

Umwenzo wane nemo ukukulukunta wakwe cimwi, ali cino fwandi, nkanalukukwiusya we Leza wane, muno mpanga muno naya iya Yodani, umupipi nu mwamba wa Helimoni nu wa Mizali.

Ezaya 63:5

Nali nkucelecensya pakuti limwi ningalola penepo uwakungazwa. Lelo kutali kuloleke nanti wenga. Nani lyene pasi pakuzunguka. Nga icipyu alino cali candema, nasuka nacimvya sile nenga mpo.

Mateo 26:56

Lelo vyonsi vii vyati vicitika pakuti vino yakasema yalemvile vifikiliziwe.” Alino alondezi yonsi kwene yutuka yamusya wenga.

Mako 14:37

Lyene awela azana alondezi yatatu yakaswile. Alino anena Petulo ati, “Simoni, uzye nawe ukaswile? Uzye usi na maka akupempula nanti aawa wenga?”

Mako 14:50

Alino alondezi yonsi yutuka yamusya.

Yoane 12:27

“Ndakai nuvwa ulanda cuze mu mwenzo. Uzye namavwanga cani? Uzye namavwanga inti, ‘Tata, untuule mu kasita kaa ka macuzi?’ Lelo uli mulandu uno nizile, kuti mpite mu kasita kaa ka ucuzi.

Yoane 16:32

Lolini kasita kakwiza, endi, kati kiza lino mulasalangana, cila muntu alapita ukwakwe nga munsye nenga. Lelo mu cumi nsi nenga, pano Tata ali nani.

Ayebulai 11:36

Yamwi yayasowike nu kuyanyambola, yauze nao yanyefilwe mu minyololo nu kuyatwala ku ng'anda yaminyololo.