Masamu 67:7 - Amazwi Yakwe Leza 2013

⁷ Leza, ala watutupolelela. Antu insi yonsi kayakucindika.

Masamu 67:7 Iomraidhean Croise

Masamu 22:27

Antu amu nko zyonsi yalaiusya Yawe nu kuweluluka yalaweluluka kunoli. Ni misango ya antu yonsi yalamupepa.

Masamu 29:11

Yawe aliwe akapeela antu yakwe amaka, nupya akapolelela antu yakwe upolelelo wa longo.

Masamu 33:8

Opa Yawe, we nsi yonsi! Oopini Yawe mwe antu yonsi amu nsi!

Masamu 65:5

Ukaatwasuka we Leza, we katuula witu. Apa kututuula, wemo ukacita ivintu ivyakuzunguka. Antu yonsi apano nsi kumwi na yano yaya ukumbalama yakwe yemba, munuli amuno yataila.

Masamu 72:17

Antu yangala yateezya yamwilila, nu lulumbi lwakwe lwalu kuyelelela wi lanzi. Antu ya mitundu nayo kayalumba umwene wa mpanga yao, yapapata na Leza ukuti ayapolelele, ndi vino wapolelile umwene wa mpanga yao.

Masamu 98:3

Wiusya uluse na ucisinka wakwe uku ng'anda yakwe Izlaeli. Imipaka yonsi iya mumo nsi yalola ufyusi wakwe Leza witu.

Ezaya 30:23

Nanti sile lino mulakomela imbezu mu vyalo vinu, Yawe aliwe alamezya nu kukuzya vino vyaya mwenemo. Lelo kwene mulaasampa ivyakulya kwene vivyo. Mu wanda ulya ni ng'ombe zinu kwene zilakwata incende zingi zya mulemvwe umwakuliila.

Ezaya 43:6

Nemo ndanena antu aku katutu inti, ‘Yatini.’ Ndapeela ilamulo ku antu aku kayeya inti, ‘Mutayalesya ukuya kweneko.’ Wezini ana yane aonsi ukufuma ku mpanga zya kutali, nga na ana yane anaci yawezini ukufuma ku mpela ya nsi.

Ezaya 45:22

“Welulukini kunondi mwe antu yonsi apano nsi, welulukini kunondi kuti mutuulwe. Pano nene indi Leza, nga kutaya namuze awe.

Ezaya 52:10

Yawe watavimbula ikasa lyakwe lyamuzilo pa manso ya antu ya mitundu yonsi. Alino lyene impela zya nsi zyonsi zilalola ufyusi wakwe Yawe Leza witu.

Aina Levi 26:4

nkaamupeela imvula pa nsita yakweyo pakuti musili wamezya ivilimwa ni miti ya vyalo vinu yaseeka viseekwa.

Mika 5:4

Lino aliza, wene alaposya nupya alacema imfwele zyakwe mu maka yakwe Yawe, nu mu ucindami wi zina lyakwe Yawe Leza wakwe. Alino yene yalikala mu mutende, pano ukulu wakwe ulafika nu kumpela ya nsi kwene.

Zakaliya 8:12

“Mwemo mumaikomelelanga imbezu ku matwi cele. Imitingi inu imaseekanga iviseekwa, nu musili nao umamezyanga ivizao, kumayanga imvula ivule. Vii vyonsi vili vino namamupeelanga mwemwe mwe antu mwe muno mwasyalapo.

Zakaliya 9:10

Yawe wavwanga wati, “Mu mpanga ya Izlaeli ndafumyamo amaceleta ya nkondo, nu mu musumba wa Yelusalemu ndafumyamo imfwalasi zyakulwilapo inkondo, na malapwa akulwilako umu nkondo nayo yalakontolwa. Umwene winu alateeka nu longo antu amu mitundu yonsi. Uteko wakwe ulatandikila kuli yemba wenga mpaka ukuyafika na kuli yemba muze, ukufuma uku Luzi lwa Yufulate ukuyafika nu kwapelela insi yonsi.”

Malaki 1:11

Antu aikala amasi yonsi yalancindika. Konsi kwene antu yalaoca ubani nu kupeela amawila aswefiwe mwi zina lyane. Pasi pano antu amu nko zizyo yalancindika.

Malaki 4:2

Lelo mwemo mwe muno mukanjela, amaka yane akutuula yaliza pano muli wa kutunka kwi lanzi, nu kuleta ukupoziwa kwa micalalazi yi lanzi. “Namwe mulacena wa twana twa ng'ombe tuno yayulila kuti tufume mu citata.

Milimo 13:26

“Mwe inane, mwe amu luko lwakwe Abulaamu, nga namwe mwe Akulukuwa ali pano mwensi, mwe muno mukapepa Leza, akuli sweswe kuno Ilandwe lya ufyusi lyatumwa!

Milimo 13:47

Pano Mwene watupeela ilamulo lii, lyakuti, ‘Namucita kuya wa luswepo pa antu Akulukuwa, pakuti mutwale ilandwe lya ufyusi ku antu amu nko zyonsi.’”

Milimo 2:28

Wandanga inzila zyakuntwala ku umi, nga nani ndazanga cuze lino wemo waya pipi nani.’

Galatiya 3:14

Klistu wacita cii kuti upolelelo uno Leza walavile kuli Abulaamu upelwe ku Akulukuwa muli Klistu Yesu. Cii cacitike kuti mu utailo tungapelwa Mupasi Wamuzilo wino Leza walavile Abulaamu.

Galatiya 3:9

Abulaamu wataile nga Leza amupolelela. Caleka yonsi ataila pamwi na Abulaamu Leza alayapolelela.

Umbwilo 15:4

Uzye aweni atangoopa we Mwene? Uzye aweni angakana kulanda ukulu wako? Wewe wenga sile waya uwamuzilo. Antu amu nko zyonsi yaliza nu kukupepa, pano micitile yako isi yalufyengo nupya ikaloleka kuli onsi.”