Masamu 66:2 - Amazwi Yakwe Leza 2013

² Imbini ulwimbo lwakulumbanya izina lyakwe lya lulumbi. Mulumbanyini mu lulumbi lwakwe.

Masamu 66:2 Iomraidhean Croise

Neemiya 9:5

Alino aina Levi yaa, Yesyua, Kadimiyeli, Bani, Hasyabineya, Syelebiya, Hodiya, Syebaniya na Petaya iyavwanga iyati, “Katukini nu kulumbanya Yawe Leza winu. Mulumbanyini amanda pe! Kalicindikwe izina lyakwe lyamuzilo, nanti angala kusi umuntu angaulumbanya icifumaluke.”

Masamu 106:2

Aweni angatantawila ivicitwa vyakwe Yawe ivyakuzunguka, nu kusimika amalumbo yakwe yonsi?

Masamu 107:15

Kayale yalukulumbanya Yawe, apa kutemwa kwakwe ukwa pe na pa milimo yakwe iyakuzunguka ino wacitila ana ya antu!

Masamu 107:22

Kayamocela impolelwa yaku muwanzya nu kumwimbila ni nsansa apa kutaka vyonsi vino wacita!

Masamu 68:33

wiyo akapita umwiyulu, nalyo iyulu ilyampiti na mpiti, wiyo akapongomoka ni zwi ilya maka.

Masamu 72:18

Mwalumbanya Yawe, Leza wakwe Izlaeli, kacita wa vintu vyonsi vii ivyakuzunguka wenga sile!

Masamu 79:9

Ndu tutuule, we Leza katuula witu, pano wemo wewe mucindami. Ali cino fwandi ndanga utwazwilizye, ukumbule na maifyo itu, alino antu yamakulumbanya.

Ezaya 42:12

Lekini yalumbanye Yawe, nu kumutakizya umu mpanga zyakutali.

Ezaya 49:13

Imbilini mwazanga, mwe viumbwa vyamu mayulu! Pongomoka nu luzango nawe we nsi. Mwe myamba saulini inyimbo, pano Yawe watamyalalika antu yakwe, nu kutezela alanda akwakwe.

Ezaya 6:3

Ala yakulaizya yakuti, “Wamuzilo, wamuzilo, wamuzilo Yawe Wamaka yonsi, ucindami wakwe walimba insi yonsi.”

Umbwilo 5:13

Alino nuvwa ciumbwa consi ca mwiyulu, pano pansi, pansi ya nsi, muli yemba ni vya uumbo vyonsi vikwimba viti, “Wino uwikala pa cilimba ca wene pamwi nu Mwana wa mfwele yene yalumbanyiziwe, yapelwe mucinzi, lulumbi nu ulamba manda pe!”