Masamu 64:7 - Amazwi Yakwe Leza 2013

⁷ Mwalola lelo! Leza nawe wasya avwintile inceto zyakwe pano yali nu kuyapumikizya sile papa kwene pano yali.

Masamu 64:7 Iomraidhean Croise

1 Yamwene 22:34

Lelo icita conga ca ina Asilya, ciza casumba uluceto ukwaula nu kumanya ningo wino cikulasa, fwandi amuli Aabu awino calasa apa ulimbilo wa cakuzwala cakwe cakuicingilila ica cela. Nawe Aabu pali pakupunda kapisya wi celeta ati, “Senuka, nga umfumye mu ulwi. Nemo nalaswa.”

Yobo 6:4

Leza Wamaka yonsi aliwe wandasola inceto, alino nu usungu waziko wasatila umu mwili wane monsi pyu. Vyonsi vino Leza akaofezya antu vyati vinzinguluka.

Masamu 18:14

Wafika inceto zyakwe nu kusalanganya anisi yakwe. Wayapuusya umu kupantoka kwa nkuwa.

Masamu 64:4

Muno yasokama umu kafuma inceto ala yakuzivwintila apa antu asuma. Yakazilasa nu kuzipumikizya ukwaula ni ntete.

Masamu 73:19

Yakapongelela sile ukwaula nu kusumba akasita. Ee mwandi ali kupezya, yakaifwila sile uku ntete!

Mapinda 29:1

Umuntu uumalala umwenzo nanti yangezya uku mukalipila, ilovyo lilamupumikizya, nupya atalapusuka.

Mapinda 6:15

Icaleka uononesi uliza umupumikizye, alapona zuwazuwa ukwaula icakumutuula.

Kasambilizya 9:3

Endi, swensi kwene icikatuponela icili cimwi, nga icintu cii iciipe mu vintu vyonsi ivikacitika umu nsi ii. Lino antu yacili nu umi amelenganyo yao yakazulamo uyi nu upena, alino yakaiukila ukuti iyafwa.

Ezaya 30:13

Caleka mwemo mwakwatila umulandu. Mwaya wi linga ilitali, lino lyalanga ukufuma ukupela mpaka na pansi. Muliukila sile mwatimuongoloka na pansi.

Yelemiya 17:9

“Uzye aweni angatezya vyamu mwenzo wa muntu? Mwene mwazula ucenjezi uwa misango yonsi, nupya uwipe wakwe cimwi.

Mateo 24:40

Pa nsita ilya antu yaili yalaomba mu calo. Wenga yalamusenda, nu muze yalamusya.

Malango 32:23

“‘Ndatulika impungo pano yali izisi na mpela nu kuyalasa ni nceto zyane zyonsi.

Malango 32:42

Inceto zyane zilatona sile uwazi wao, nu lupanga lwane lulakomola yao akukanya vino nkulonda. Intalasya penepo nanti umwi pali yao alankatukila. Na yao kwene alasyala impondo kumwi na anyepwe, yalafwa yonsi pyu.’