Masamu 6:8 - Amazwi Yakwe Leza 2013

⁸ Fumini panondi, mwensi mwe yakacita ya viipe! Yawe watanguvwa kuno nkumulilila.

Masamu 6:8 Iomraidhean Croise

Yobo 17:7

Amanso yane yatiyatonta umu kucululuka. Alino lyene natinonda, ninyaluluka ungati akasote sile.

Masamu 116:8

Yawe watampususya uku milomo yi lindi. Watankumbula aminsozi, watakana nu kuti nemo, incimbe.

Masamu 119:115

Senkini panondi, mwe antu akacita iviipe, kuti nemo nayela amasunde yakwe Leza wane.

Masamu 139:19

We Leza ulakoma aipe! Senkini pano mwe antu mwe muno mukalonda ukuzwisya uwazi!

Masamu 145:18

Wene waya umupipi na yonsi akakuuta kunoli, yonsi akakuuta kunoli umusi mwisyente.

Masamu 3:4

Nalaizya kuli Yawe ni izwi ilisanzuke, nawe wanjasuka pa mwamba wakwe uwamuzilo.

Masamu 31:10

Amalanda yatiyalenga umi wane ukupomponteka, nu kulosya kwati kwipimpazya imyaka yane. Natintemboka pamulandu na malanda, nga namafupa yane nayo yatiyasokonteka.

Masamu 56:8

Wemo wamanya vino nkacula, ukaiusya na minsozi yane. Uzye kwene vitatantikwa umu lupapulo lwako?

Ezaya 30:19

Nga alino nupya atwalilila ati, “Mwe ikazi amu Yelusalemu, mutalalila aminsozi nupya foo. Leza waya nu luse. Wene alamutuula ndi mwamwama.

Ezaya 38:3

“Iusya we Yawe vino nikala nkakutumikila ningo ningo, umu kukufukilila. Iusya na vino lyonsi sile nezyanga ukucita ukulonda kwako.” Awe lyene Hezekiya alila wakwe cimwi, pasi pakulila mwe!

Ezaya 38:5

“Yanga ukanene Hezekiya ndi vino Yawe, Leza wakwe so Davidi akuti, ‘Natinuvwa ukupapata kwako nupya nindola na minsozi yako. Cisuma fwandi nemo namakupozya. Apa manda yatatu, ale waya uku kumpepa umu ng'anda yane. Nakulundilako imyaka ikumi na isano iyakuti ungikala pano nsi.

Nyimbo zya ndosya 3:56

Nawe uvwile kunondi lino napapasile kuti uvwe impooma yane.

Mateo 25:41

“Lyene alanena yao ali kwi mani lyakwe ati, ‘Fumini pano, ntamumanyile mwe muno mwatipwizilwe. Yangini ku moto usyazima uno Leza wateyanyizizya Ciwa na angeli yakwe.

Mateo 7:23

Lyene nani ndayanena paswe inti, ‘Ntamumanyile, fumini pano, mwe yakacita ya viipe.’

Luka 13:27

Lelo nawe alaasuka ati, ‘Ntamanyile kuno mufumile. Fumini pano, mwe yakacita ya viipe.’

Ayebulai 5:7

Lino Yesu wali pano nsi wene wapepanga nu kulenga Leza ni zwi likulu na minsozi, wino uwali na maka akumutuula ku mfwa. Leza wamuvwile, pano wene waicefizye nu kuya uwa cumi kunoli.