Masamu 6:2 - Amazwi Yakwe Leza 2013

² Ya na mizu kunondi, we Yawe, pano nemo natonta naongoka, umpozye we Yawe, pano nati mpomponteka nu mu mafupa.

Masamu 6:2 Iomraidhean Croise

Utandiko 20:17

Lyene Abulaamu wapepile Abimeleki na Yawe amupozya, nga apozya nu muci na azya yakwe akazyana pakuti lyene yakwata ana.

Yobo 19:21

Si mungala mundole luse luse, mwe yacuza yane! Ala ivizanza vyakwe Leza vyativintitila.

Yobo 5:18

Pano Leza aliwe akacisa ivilonda, nu kupozya aliwe kwene wamanya ukupozya. Wene akacisa, lelo amakasa yakwe iyapozya nu kupozya.

Masamu 22:14

Nemo natintemboka, lyene nkwituluka sile wa manzi. Na mafupa yane nayo yatiyafyontoka. Umwenzo wane ukoline ipula, ilyatilisunguluka.

Masamu 30:2

We Yawe Leza wane natinkulaizya, nga nawe watumpozya.

Masamu 31:10

Amalanda yatiyalenga umi wane ukupomponteka, nu kulosya kwati kwipimpazya imyaka yane. Natintemboka pamulandu na malanda, nga namafupa yane nayo yatiyasokonteka.

Masamu 32:3

Lino nakutumalanga, nu kukana zenzuka amaifyo yane, mu nteo zyane mwayanga umutembokele, apamulandu wakuteta usiku nu musanya.

Masamu 38:2

Pano inceto zyako zyati zindasola. Watumfwanta na pansi.

Masamu 38:3

Pamulandu sile wa cipyu cako, nati nsuka ndwalisya umwili wane onsi pyu, pasi pakulwala pamulandu wa kwifya kwane.

Masamu 38:7

Nati nkaya na see, pamulandu wa kulwala impepo, ni ndwala wakwe cimwi.

Masamu 51:8

Sileka nuvwe nupya uluzango nu kusansamuka. Nu mu mafupa yane umuvungoke, ince nacina nupya ne mulanda.

Kufuma 15:26

Lyene Yawe avwanga ati, “Ndi mukanguvwila ne Yawe, Leza winu nu kucita vyawololoke, nga nu kuyela malamulo yane, lyene ntalalenga kuti mulwale zyandwala ndi zino naponyezizye aina Eguputo. Nene indi Yawe, wino akamupozya.”

Yelemiya 10:24

Tukalipile sile swe antu yako we Yawe, lelo utacizya umu cipimo, nanti kutuvunuka lino wasoka.

Yelemiya 17:14

Sungala ungazwe Mwene, uleke mpole, untuule uleke nkululwe, pano awewe we muno nkalumbanya.

Oseya 6:1

Antu yakuvwanga yati, “Tuini, tuwelele kuli Yawe. Wene watatulepola mu tupimfya, lelo amatupozya. Wene watatucisa, lelo amatunyepela ivilonda.

Mpendwa 12:13

Acino Mose nawe alaizya kuli Yawe ati, “We Leza wane, si leka apole napapata!”

Mateo 4:24

Ni landwe lya pali aliwe lisalangana mu mpanga yonsi ya Silya na antu yamuletela alwale alwile ndwala zya misango yonsi nga na yao ali ni mipasi yankota na yao ali ni vifumfumi, pamwi ni vite, nga ayapozya.

Malango 32:39

“ ‘Nemo, nenga mpo, nene indi Leza. Kutaya leza namuze. Nkakoma nupya mpeela umi, nkacisa nupya mpozya, kusi nanti wenga angamufumbatula mu makasa yane.