Masamu 59:12 - Amazwi Yakwe Leza 2013

¹² Iviipe vyaya sile apa tunwa twao, ukulanda sile iviipe, yene lili lyasi lyao. Leka fwandi icilumba cao ciyalye! Pano yene yaya ni ntipu nu ufi apapela.

Masamu 59:12 Iomraidhean Croise

Yobo 12:24

Aliwe akavulunganya amano ya ntunguluzi zya antu pano nsi nu kuleka ukuti yavulunganya ivintu nu kuzeuluka.

Masamu 10:2

Umwipe akuitutumula nu kucuzya umupina, Si leka yalemye umu lukose luno yateya.

Masamu 10:7

Imvwango zyakwe mwazula ivitipu, intumpu, ni ngofyo. Wene wakalauka ukulanda amazwi ya ukali aipe.

Masamu 79:12

We Mwene, ala apa misuula yonsi ino ainamasi yakusuula, wemo uyawezezye amaila cinimbali.

Mapinda 11:6

Wololoke wa antu ya myenzo miswepe ukayatuula, lelo imyenzo ya makumbukila ikasimwilila ukucita ivya mpulupulu.

Mapinda 12:13

Umuntu mwipe akailetelela umwisikulu ni vitakwa vyakwe, lelo umuntu kacita wa visuma akaifuntusya uku viipe vyonsi.

Mapinda 18:7

Akanwa ka ciwelewele, ilovyo lyakwe. Imilimo yakwe, ulukoka lwa umi wakwe.

Mapinda 6:2

Uzye wasinilwa na mazwi yapa kanwa kako kwene, uzye wapingulwa na mazwi yano waivwangile we mwisikulu?

Nyimbo zya ndosya 3:62

Akasanya konsi anene yakulanda penepo, yakupunda ni vyakuncitila.

Ezekelo 12:16

Lelo ndasyako anono ampendwa yano yalapusuka ku nkondo, ku cipowe nu ku mpungo, apakuti uku nko zyuze kuno yalaya yalamanya ukwipa kuno imicitile yao yaipa. Lyene yazumile ukuti nene indi Yawe.”

Oseya 4:2

Muli sile ukutipwila, ukutumpoka, utazi wa katwe, ukwiya nu kulongozya. Antu yakulunduluka ukwifya, nupya yakalukukomana.

Zefaniya 3:11

Pa wanda kwene uo mwe antu yane mutalaya ni nsonyi pa vintu vino mwacita umu kunsangukila. Pano nemo ndafumya antu yonsi acilumba. Nupya mutalasya muituumike apa mwamba wane uwamuzilo.

Mateo 27:25

Antu yonsi yavwanga yati, “Lekini mulandu wa mfwa yakwe wii uye panotuli na ana itu.”

Mateo 27:63

Yamunena yati, “Musambazi, tukwiusya vino musomvi wilya wavwanzile, lino atali kuti afwe ati, ‘Pacisila ca manda yatatu ndazyukuka nupya.’

Luka 23:5

Lelo yene yakomapo kulanda yati, “Usambilizyo wakwe ukasongelekanya antu yonsi amu mpanga ya Yudeya. Watandike ku Galile lyene wataiza na kuno.”