Masamu 56:9 - Amazwi Yakwe Leza 2013

⁹ Uwanda uno nemo ndapunda, “Tutulwe,” anisi yane yalapuuka. Cino nemo namanya sile icakuti, Leza waya nani!

Masamu 56:9 Iomraidhean Croise

2 Yamwene 20:5

“Swilila ukamunene Hezekiya umwene wa antu yane uti, ‘Yawe, Leza wa cikolwe cako Davidi wavwanga ukuti natinuvwa ukupapata kwako, na minsozi yako natinjalola. Fwandi nemo namakupozya nu wanda uwalenga yatatu, ale wakwela kunondi, uku Ng'anda ikulu yakwe ne Yawe.

Masamu 102:2

Utafisa usyu wako kunondi apa wanda wa kucululuka kwane. Teya ukutwi kunondi kuti unguvwe, ungasuke zuwa-zuwa lino nkukulaizya.

Masamu 118:6

Nemo twaya pamwi na Yawe ni ntete ntakwata foo. Icani fwandi cino umuntu angancita nene?

Masamu 27:2

Antu aipe ndi cakuti yankatukila, apakuti yankome yakapempezyoka, nu kuiponela sile yonga.

Masamu 46:11

Leza Wamaka yonsi waya naswe, Leza wakwe Yakobo ali cele litu!

Masamu 46:7

Icacumi swemo twaya na Leza Wamaka yonsi. Leza wakwe Yakobo ali cele litu!

Masamu 9:3

Anisi yane yatiyapuuka cundansizi. Yakupempezyoka iyapona nu kufwa.

Yelemiya 33:3

We Yelemiya, ndaizya sile nani namakwasuka, namakunena ni milandu ikulu nupya iyankama ino wemo utamanya.

Malaki 3:16

Lyene yayo akaoopa Yawe yatandika ukulanzyanya, nga Yawe auvwa kunoyali nu kutezya vino yalandanga. Ulupapulo lwa ciusizyo ilulembwa pa manso yakwe, ulukalanda pali yayo akaoopa Yawe nu kucindika izina lyakwe.

Yoane 18:6

Lino Yesu wavwanga kunoyali ati, “Anene,” yawela cundansizi yapona na pansi.

Loma 8:31

Uzye tumati uli pa vintu vii? Ndi Leza ali naswe, aweni amatucimvya?