Masamu 56:4 - Amazwi Yakwe Leza 2013

⁴ We Leza, nemo awewe sile wenga nataila, nkataizye nu ulayo wako. Awewe sile nataila, ni ntete nemo nsikuvwanga nanti panono. Fwandi icani cino umuntu silesile angancita?

Masamu 56:4 Iomraidhean Croise

2 Milandu 20:3

Lilyo kwene Yeosafati auvwa intete nga aelenganya ukulenga amano kuli Yawe nu kupeela ilamulo ku antu yonsi umu mpanga yakwe Yuda kuti yatale yafunge ukulya.

2 Milandu 20:4

Antu yonsi pyu aku misumba yaku Yuda iyakongana kuti yalenge uwazwilizyo kuli Yawe, yonsi afumile ku misumba yonsi yamu Yuda yiza ku kulenga uwazwilizyo kuli Yawe.

Masamu 118:6

Nemo twaya pamwi na Yawe ni ntete ntakwata foo. Icani fwandi cino umuntu angancita nene?

Masamu 119:160

Amazwi yako yonsi acumi, nu upinguzi wako onsi uwa ulungi pe na pee!

Masamu 12:6

Amazwi yakwe Yawe acumi. Yaya wakwe siluva umuzifiwe, wino yafumya umu kumwengulula umwi lungu amaila cinimbali.

Masamu 138:2

Nkukupepa umu kulola uku Ng'anda yako ikulu. Namatakola izina lyako, pamulandu wa citemwiko cako, ni cisinka cako. Ulayo wako wakula ukuluta apa lulumbi lonsi.

Masamu 27:1

Yawe ali luswepo lwane na katuula wane, kusi cino ningoopa. Yawe akantuula kuli vyonsi ivya uzanzo, fwandi kusi wino ningoopa.

Ezaya 31:3

Aina Eguputo yasi yaleza foo, lelo antu sile. Imfwalasi zyao isi mipasi foo, lelo inyama sile. Lino Yawe alacitapo cimwi, ale umutundu wa antu yamaka wapelelwa. Na antu ya mitundu yonsi yoili ale yalowa.

Ezaya 41:10

Ali cino mwemo mutaoopa, nemo namayanga pee namwe. Mutasakamala nanti cimwi pano nene indi Leza winu. Nene namamukomyanga nupya namamwavwanga. Nene namamusunganga nupya nene namamupususyanga.

Yoane 10:35

Twamanya ukuti vino malembelo yalanda vyene ivya cumi manda pe. Antu yaya yamilwe na Leza ukuti a tuleza, antu yano Ilandwe lyakwe Leza lyapilwe kunoyali.

Ayebulai 13:6

Lyene lekini tuvwange nu kupama, tuti, “Mwene ali kazwa wane, ntaloopa cimwi. Uzye icani cino umuntu angancita?”

1 Samueli 30:6

Davidi wali umu ntazi ikulu sana, pamulandu wakuti antu yakwe yonsi imyenzo yali iwaye pa kuponzya ana na aci yao. Iyatandika nu kupanga kuti yakomole Davidi na mawe. Lelo Yawe Leza wakwe amupa ukuposya.