Masamu 54:4 - Amazwi Yakwe Leza 2013

⁴ Nemo nimanya ndi vino Leza ali kazwa wane, nu kuti Umwene aliwe ali kapokela wane na katasya wane!

Masamu 54:4 Iomraidhean Croise

1 Milandu 12:18

Alino Mupasi wakwe Leza aikila pali wenga uwa mwi umba lili, izina lyakwe a Amasai, uwizile aya umukalamba wa mpuka ya vita vivi amakumi yatatu. Nga nawe avwanga ati, “Ala! We Davidi, umwana wakwe Yese, sweswe antu yako! Ulongo luye kunuli na kuli yao akukwazwa! Leza ali ku lusansa lwako.” Alino Davidi ayazengela nga ayapeela ivifulo umu mpuka ya vita vyakwe.

Masamu 118:13

Yansunkilizyanga na maka apakuti ya mponye, lelo Umwene aliwe wantungilile.

Masamu 17:1

We Yawe, uvwa ukulenga kwane ukufumaluke, kutika uku kuilizyanya kwane. Sumba amano uku kupapata kwane kuno ku kufuma uku kanwa ka cumi.

Masamu 41:12

Lelo wemo, ukantungilila nu kumpisya ulumi, ukansungilila pe na pee, apa cinso cako.

Ezaya 41:10

Ali cino mwemo mutaoopa, nemo namayanga pee namwe. Mutasakamala nanti cimwi pano nene indi Leza winu. Nene namamukomyanga nupya namamwavwanga. Nene namamusunganga nupya nene namamupususyanga.

Ezaya 42:1

Yawe wavwanga wati, “Wii ali muomvi wane wino nemo nemweneco natungilila, ali wino naisolwela nupya natemwisya. Namamwikila Umupasi wane, nga nawe alaletela antu amu mitundu yonsi ulungami.

Loma 8:31

Uzye tumati uli pa vintu vii? Ndi Leza ali naswe, aweni amatucimvya?

Ayebulai 13:6

Lyene lekini tuvwange nu kupama, tuti, “Mwene ali kazwa wane, ntaloopa cimwi. Uzye icani cino umuntu angancita?”