Masamu 53:2 - Amazwi Yakwe Leza 2013

² Ukwiyulu Leza akalolekesya apa ana ya antu, nu kulolekesya ndi cakuti pano nsi palipo wenga uwamano akalonda Leza.

Masamu 53:2 Iomraidhean Croise

1 Milandu 28:9

“Acino we mwanane Solomoni, wauvwila Yawe Leza wa vikolwe vyako, nu kumutumikila nu mwenzo wako onsi, umu kuitemelwa. Pasi pano Yawe akaceceta umwenzo wa muntu ali wensi, nu kumanya ilango ni vilondwa vitu vyonsi. Ndi cakuti wamulondalonda, ulamuzana. Lelo ndi wamufutatila, nawe kwene alakutazyela umuyayaya.

2 Milandu 15:2

Nawe ali pakuya uku mwene Asa nu kumunena ati, “Musambazi Asa, na mwe ikazi amu Yuda mwensi pamwi na ina Benjamini, nguvwini! Yawe ali namwe cikulu sile mwamutontela. Ndi mwamulonda, mulamuzana. Lelo ndi mwamufutatila, ale nawe kwene alamufutatila.

2 Milandu 19:3

Lelo nanti cingaya vivyo, kuli ivisuma vimwi vino wacita, pasi pano wemo wonona maunkolanya yakwe Asyela umu mpanga ii yonsi nu kukwata umwenzo wakulondesya Leza cila nsita, vitalililika.”

Yobo 28:28

Fwandi lyene ali vino wanenyile nu muntunze ukuti, ukuya ni coopo kuli Leza ali kukwata amano, nu kufuntuka uku kucita iviipe, ali kwiluka.”

Masamu 10:4

Umuntu umwipe asisakamala pali Yawe. Pano mu mwenzo wakwe akati, “Leza asi cimwi?”

Masamu 102:19

Ukwiyulu uku ncende yakwe iyamuzilo, ali kuno wacevezyanga pano nsi,

Masamu 11:4

Yawe akaikala umwi sano lyakwe ilicindame. Icilimba cakwe icawene cayela apapela umwiyulu. Amanso yakwe yakalolekesya insi yonsi, ala akucevya ana ya antu.

Masamu 111:10

Ukoopa Yawe ili ntendekelo ya mano. Alino antu akaopa Yawe yakakula na mano. Ica cumi Yawe uwakulumbanya pe na pee!

Masamu 27:8

Watulaizya kunondi uti, “Ndanga kunondi.” Ee we Yawe, fwandi ali cino niza.

Ezaya 55:6

Londini Yawe apa nsita ino angazanwa, mwamini lino ali mupipi.

Yelemiya 16:17

Amanso yane yakaceceta vyonsi vino yakacita. Kusi nanti conga cino cafisama kunondi. Amaifyo yao yatange yutuke ku mulola wane.

Yelemiya 23:24

Uzye umuntu angafisama mu kafyototi inkane kumulola? Uzye mutamanyile vino nemo naya sile ponsi, umwiyulu na muno nsi kwene?” Ivyalanda Yawe.

Malango 4:6

Muce mwayela amasunde ningo, lyene cico cilalanga antu amu nko zyuze ukuti mwemwe yamano nupya mwamanyikisya ivintu. Lino yacayuvwa amasunde yaa yonsi, yalazakaza nu kulanda yati, ‘Cumi kwene uluko luu ulukulu lwakwata amano ni cuvwilo!’