Masamu 52:9 - Amazwi Yakwe Leza 2013

⁹ Namakulumbanyanga sile, we Leza pa vintu vino wacita. Namapaalilanga mwi zina lyako, apa manso ya antu yako. Namakutaizyanga amanda pe, we Leza, pa vintu vino wacita. Pa manso ya antu yako, ndalanda ukuti wewe musuma, pano wewe musuma.

Masamu 52:9 Iomraidhean Croise

Esita 5:11

Nga Hamani atandika ukuitakizya apa ukama wakwe ni vyuma vyakwe. Apa ana yakwe aingi, na pali vyonsi vino umwene wamucindamika nu kumupeela icifulo cikalamba ukuluta apa alasi yonsi asyala na yamusika ya mwene.

Masamu 146:2

Namalumbanya Yawe apa nsita ino ncili umumi, umu umi wane onsi namaimbilanga Leza wane.

Masamu 27:14

Ali cino fwandi, mwataila muli Yawe! Mukwate upaalilo, mutezya mwatovoka foo. Ee, cacumi, mwataila muli Yawe!

Masamu 30:12

Ali pakuti umwenzo wane ukulumbanye ukwaula ukutonta. Caleka we Yawe Leza wane namakuwanzyanga amanda yonsi.

Masamu 40:1

Nemo nalolela Yawe nu mwenzo wane onsi, kuti angazwilizye. Lyene wasuka uvwa ukupapata kwane.

Masamu 54:6

We Yawe, nemo namakutula impolelwa nu luzango. Namakutaizya pano wemo wewe musuma.

Masamu 62:1

Umwenzo wane wazana ukupuza muli Leza mutupu. Ufyusi wane wafuma sile kunoli.

Masamu 62:5

Nemo a Leza sile wenga, ali wino nikalilila, nupya ali wino nataila.

Masamu 73:28

Lelo nemo natemwisya ukukupalamila, we Leza! Akuli wewe we Yawe akuno nemo nazina, apakuti inalumbilizya vyonsi vino wemo ukacita.

Mapinda 18:10

Izina lyakwe Yawe ulupungu ulukome. Umuntu akacita vyaololoke akautukilamo nu kucingililwa.