Masamu 52:5 - Amazwi Yakwe Leza 2013

⁵ Endi mwandi, Leza alakufyatila alakufyambata, amanda yalakuzana, uluulilwa nu mwakwikala. Wene alakutenula nu kukufumya muno nsi ya umi.

Masamu 52:5 Iomraidhean Croise

Yobo 18:14

Lyene icisile ukumukululwila apanzi, ukumufumya umwakwe, nu kumutakanya apa kumutwala ku mfwa, umwene wa ngofyo zyonsi.

Masamu 116:9

Fwandi nemo lyene namapitanga apa cinso cakwe Yawe, umu nsi yakwe yayo aumi.

Masamu 27:13

Ukuya kwene nemo nazumila ukuti ndikala pano nsi, mpaka sile ince ndole usuma wako we Yawe.

Masamu 55:23

Yakazwisya ya wazi na yayo aundyondyo apa lulimi, yene we Leza ulayasumbila umu ciwina icizike, icaula impela, lino yatacili yafike pakasi ka manda yao akwikala pano nsi. Lelo kwene nemo panondi pano, namatailanga muli wewe.

Mapinda 12:19

Amazwi ya cumi yakaikalilila umuyayaya, lelo ivyantumpu vyene visilengela.

Mapinda 19:5

Kambone waufi yatalamupanya, nu muntu uwantumpu nawe kwene atalapusuka foo.

Mapinda 19:9

Kambone waufi yatalamupanya umu cilye, nu muntu umutumpe nawe kwene atalapusuka foo.

Mapinda 2:22

Alino antu aipe yene Leza alayafumya umu mpanga, nupya alafumyamo yakaifya ndi vino antu yakaipula ivikona mu calo.

Ezaya 22:19

Yawe alakufumya apa mulimo wakwe umusika, alacefya icifulo cako cakwe umusika.”

Ezaya 38:11

Nemo natangi ntalatala indole nupya Yawe. Muno mpanga ya apuma, ntalatala ndolemo umuntu muno nsi.

Umbwilo 21:8

Lelo antete na yano asi nu utailo, na yakacita ya vintu vyawinyi, ni nkomi, yacizelele, alozi, na yakapepa ya tuluwi, na antu yonsi antumpu, wikalo wao a yemba wa moto muno maluti yakapya. Ii ili mfwa yakwe ciili.”