Masamu 5:4 - Amazwi Yakwe Leza 2013

⁴ Wemo usi Leza wino akazangila mu uyi, awe. Usizumilizya iviipe pa manso yako.

Masamu 5:4 Iomraidhean Croise

1 Milandu 29:17

We leza wane, imanyile ukuti wemo ukaezya umwenzo wa muntu ali wensi, nu kuti ukazangila mu muntu akacita ivisuma. Ndakai nailolela ni nsansa kuno antu yako yakupeela kunuli mu kuitemelwa.

Masamu 101:7

Umuntu akacita ucenjezi asi wakwikala ukwane foo, nu waufi nawe ntalamulonda pano.

Masamu 11:5

Yawe wapima mpiti umololoke nga ni nkakasi. Wapata uwatemwa ukang'ansi.

Masamu 140:13

Nakacendi, aololoke yalataizya izina lyako, aololoke yalaikala kunuli.

Masamu 50:21

Ee, avino mukacita. Uzye mukulonda ukuti nani nsule sile? Uzye mukuti nani naya wakwe mwemwe? Ee, mwalola! Ilelo namunenelapo, namutotwela tonsi pyu.

Masamu 63:2

Nemo nkukulukisya ukuti nkulole, umwi sano lyako ilya muzilo, muno ningalola amaka yako nu ucindami wako.

Masamu 88:14

We Yawe, uzye pacani cino wantazyela? Uzye pacani cino wamfutatila?

Masamu 92:15

Yene ilalanga ukuti Yawe wakwata ulungi. Wene lili cele lyane nupya munoli mutaya ui.

Masamu 94:20

Wemo musiuvwana napinguzi ya lufyengo, yao atemwa ukucita ulufyengo wi sunde.

Habakuku 1:13

Amanso yako aziliziwe cakuti yasilonda ukulola iviipe. Utangazumilizya antu aipe yatwalilile ukuyembula insi. Umulandu cii cino ungazumilizya vyamusango uu ku antu aipe? Uzye apacani cino utangatola ulutampulo lwakulesya aipe ukulovya asuma nanti akaele?

Malaki 2:17

Mukwanola Yawe mu mazwi inu. Lelo namwe mukuuzya muti, “Uzye fwandi tukumwanola umu nzila ci?” Mukacita vivyo apakulanda imuti, “Yawe Wamaka yonsi akaelenganya ukuti antu akacita inkota yene asuma, nupya wayatemwa.” Nanti imuti, “Uzye Leza wino atakwata akasoozi ali kwi?”

Yoane 14:23

Yesu amwaasuka ati, “Wino wensi uwantemwa, wene akayela mazwi yane. Wene alatemwikwa na Tata, nga Tata nani tuliza kunoli nu kwikala nawe.”

Ayebulai 12:14

Ezyini kwikala mu mutende na antu onsi, nu kwikala umi wamuzilo. Pano kusi umwi wino alalola Mwene kwaula kwikala umi wamuzilo.

2 Petulo 3:13

Lelo swemo tukalolela vino Leza watulaya, mayulu apya nga ni nsi ipya, muno mulaya kuteekwa na Leza.

Umbwilo 21:23

Kuwala kwi lanzi nu mwezi kusyalondekwa mu musumba ukulu, pano lulumbi lwakwe Leza lukayengesa mwenemo, nga nu Mwana wa Mfwele ali lampi lyauko.

Umbwilo 21:27

Lelo kusi cimwi cikowele cino cilingila mu musumba ukulu, nupya mutalingila umuntu wino akacita vya winyi, nanti akatumpoka. Suka sile yao yano mazina yao yalembwa mu lupapulo lwa Mwana wa Mfwele ulwa umi, ayano yalingilamo.