Masamu 5:10 - Amazwi Yakwe Leza 2013

¹⁰ Leza we, siyapeele umulandu uyavunuke. Sangala amapange yao yayaletelele uononesi. Uyazinge uku cinso cako, apamulandu wa wingi wa maifyo yao, nga navino yakusangukila.

Masamu 5:10 Iomraidhean Croise

2 Samueli 15:31

Lino Davidi yamunena ukuti Aitofeli wataitumpamo muli ucisanguka wakwe Abusalomu, wene apepa ati, “We Yawe, napapata leka umpandamano wakwe Aitofeli uye uwelewele.”

2 Samueli 17:14

Alino Abusalomu na ina Izlaeli yonsi yavwanga yati, “Umpandamano wakwe Husyai umwina Aliki wazipa ukuluta wakwe Aitofeli.” Pasi pano Yawe akweti ipange lya kuvulunganya umpandamano wakwe Aitofeli kuti alete uzanzo pali Abusalomu.

2 Samueli 17:23

Lino Aitofeli walola ukuti umpandamano wakwe utalondilwe, akwela pali punda wakwe nga aswilila ku musumba kumwao. Alino pacisila cakupeela amazwi ya utunguluzi ku ang'anda yakwe, Aitofeli aikulika. Acino afwa nga iyamuzika mwi lindi lya aluko lwakwe.

2 Milandu 25:16

Lelo lino acili akulanda, umwene amunena ati, “Uzye wewe twasonta kuti uye mpandamano wa mwene? Si tuzya sile! Ndi watwalilila namapeela ilamulo kuti ukomwe!” Acino kasema wilya ata ukulanda. Lelo avwanga sile amazwi yaa ati, “Manyile ukuti Leza wapanga ukukonona, pamulandu wakuti wacita icintu cii nu kukana ukutezya ku mazwi yane aku kupanzya amano.”

Esita 7:10

Fwandi ali vino yakulike Hamani uku cimuti cino wateinye ukukulikila Modekai. Lyene umwene Aasuwelo umwenzo iwikala.

Masamu 10:15

Ale fwandi tembola amaka ya muntu mwipe nu mukakasi. Uyavunuke apa viipe vino yacita mpaka yasuke yatelelele.

Masamu 107:11

apamulandu wakutalamila amasunde yakwe Leza, nu kusuula amano yano umusambazi wayapanzile.

Masamu 17:13

Katuka, we Yawe, ulungatane nayo nu kuyacimvya! Ntuule uku mwipe nu lupanga lwako.

Masamu 31:18

Myalalika utunwa twao, yaye a yaciulu, pano twanenolanga cilumba cilumba uwakaele.

Masamu 35:26

Yano yakasansamukila api syamo lyane, kayaye ni nsonyi uleke na mano yao nayo yayapele. Aikala kwati yanduta, leka insonyi ziyaleme, yazewane nu kuzewana!

Masamu 55:15

Awe nce, imfwa sile kile ize icilukizye zuwa anisi yane. Kayale yatelemukile sile atuntulu uku cifulo ca afwe! Ee cumi, pano uyi auno wazula umu mang'anda yao nu mu myenzo yao.

Masamu 66:7

Aliwe akateeka pee na pee uku maka yakwe, aliwe akaceceta antu ya mitundu. Mutaleka fwandi yacisanguka yayuvwa kunoli.

Masamu 71:13

Leka yayo ankatukila insonyi ziyaleme, nu kulowa yale yalowelele sile! Yao akalonda ukuncita cimwi kayasundwe, nu kuzewana yazewane.

Masamu 79:12

We Mwene, ala apa misuula yonsi ino ainamasi yakusuula, wemo uyawezezye amaila cinimbali.

Ezaya 1:2

Yawe wavwanga wati, “Uvwini mwe yulu ni nsi, uvwini vino nkuvwanga! Nalela antu yane nu kuyakuzya. Lelo yatiyansangukila.

Ezaya 1:20

Lelo ndi mwankana, mwantalamila, awe icumi lyene ale mwasyama, mwaiponzya sile. Endi, avino nene ne Yawe navwanga.”

Ezaya 63:10

Nga lelo yene yamutalamilanga nu kumufisya ku mwenzo. Nawe fwandi ali pakuyafutatila, ala umweneco akuyalwisya nu kuyalwisya.

Nyimbo zya ndosya 1:5

Anisi yano yapokolola umusumba lyene asangwike aeneco ya musumba. Umwene uwatamuletela ucuzi uwo pamulandu wa maifyo yakwe avule. Ana yakwe yalemwa nu kusendwa uku uzya.

Danieli 9:5

“Silola vino twifya nu kucita inkota. Twakutalamila nu kufutatila amalamulo na masunde yako.

Danieli 9:9

Wemo waya na mizu nupya ukatwelela uluse, nanti angala twakusangukila.

Oseya 9:7

Insita ya kuvunukwa yatiyiza, amanda ya kulipilwa yatiyafika. Lyene yalamanya ukuti ivintu kwene vii vyacumi. Ndakai yakuvwanga yati, “Kasema wii wapena, umuntu uwa mano yakwe Leza iciwelewele!” Pamulandu wakuti ukwifya kwao ukukulu, yene yampata wakwe cimwi.

1 Kolinto 3:19

Pano cintu cino amu nsi yakwelenganya ukuti ica mano, cene uwelewele pa manso yakwe Leza. Cili ndi vino calembwa mu malembelo cati, “Leza akalema antu yamano mu ucenjezi wao.”

Malango 2:30

“Lelo Siooni umwene waku Hesyiboni atatuzumilizye ukupita ukusalala mu mpanga yakwe. Yawe Leza winu walenzile umwenzo wakwe uumalale nu kutalama pakuti amupeele mu makasa itu kuti tumucimvye nu kupoka impanga yakwe, ino napilelo tucili tukwikala mwenemo.

1 Samueli 25:29

Ndi umuntu mui wezya ku kuzanza kuti akukome, Yawe Leza wako alakucingilila wakwe vino umwi akacingilila icuma icamutengo ukulu. Lelo wene alavwinta anisi yako wakwe vino antu yakafiika amawe na legeni.

1 Samueli 25:39

Lino Davidi uvwa ukuti Nabali watafwa, avwanga ati, “Lumbanyini Yawe, wiyo uwandwila kuli Nabali pa musausya uno wancitile. Ala Yawe umwisikulu uwandesizye ukucita iciipe nupya aliwe kwene uwalenga kuti uyi wakwe Nabali umwisikulu umulye.” Alino Davidi atuma intumi izyakuya mulanzizya kweneko Abigelo, pakuti angamusaka.