Masamu 47:5 - Amazwi Yakwe Leza 2013

⁵ Awiyo Leza waya uku kwikala pa cilimba ca wene! Yakumumila utupundu, yakulizya ni ntandala!

Masamu 47:5 Iomraidhean Croise

2 Samueli 6:15

Acino wene pali pamwi na ina Izlaeli yonsi iyasenda Mbokosi ya Upangano yakwe Yawe iyatumbela ukuya ku Yelusalemu ala yakupunda ni nsansa iyalizya ni ntandala.

1 Milandu 15:24

Syebaniya, Yosafati, Netaneli, Amasai, Zakaliya, Benaya na Elieza yasimapepo aliyo yalingine ukulizya intandala inkolelo ya Mbokosi ya Upangano yakwe Leza. Obedi Edomu na Yeaya nayo kwene yalindanga Mbokosi ya Upangano ilya.

1 Milandu 15:28

Acino aina Izlaeli yonsi iyaleta Mbokosi ya Upangano yakwe Yawe yala yakupunda nu kulizya ivinyenye ni ntandala, ni viwaya, na yabanjo na yababatoni.

1 Milandu 16:42

Hemani na Yedutuni yapilwe umulimo wa kulizya intandala ni visekese nga nu kulizya ivintu vyuze mu nyimbo zyamuzilo. Ana aonsi yakwe Yedutuni yapilwe umulimo wa kulinda apa mpongolo.

Masamu 150:3

Mulumbanyini mukulizya intandala, mulumbanyini umu ngoma na mazeze.

Masamu 68:33

wiyo akapita umwiyulu, nalyo iyulu ilyampiti na mpiti, wiyo akapongomoka ni zwi ilya maka.

Masamu 78:65

Nga alino Yawe wazyuka umutulo, kwati umusambazi wino wasantamuka umu tulo, uwala kolike waini.

Masamu 81:3

Mwalizya ni penga apa ndoleko ya mwezi, na lino umwezi wakoma, lino ukaulungana, apa wanda wa kuzevya.

Masamu 98:6

Zangini apa manso yakwe Yawe, umusambazi, ukwi penga ni nsi yonsi, kumwi na ikala mwenemo.

Ezekelo 20:6

Apa wanda kwene uo lino nayalavile nu kulundapo ukulapa ukuti ndayafumya mu Eguputo, nu kuyatwala mu mpanga ino nemo nasolwile, ali mpanga ikankala nupya iya muvundo iyaluta impanga zyuze zyonsi ku usuma.

Amosi 8:7

Yawe, Leza wa ina Izlaeli, watalapa ati, “Endi, Nemo ntalatala nilile ivicitwa vyao iviipe.

Malaki 2:3

“ ‘Ndavunuka amu mupanda winu nu kumukantaizya impumi zinu ni vyamumala ya nyama kwene zino mukapeela impolelwa. Ndamuvwintila pa citumba, lilyo ale mwatimukandana navyo.

Mpendwa 23:21

Ntazanyile iciipe muli Yakobo, Ntaweni intazi muli Izlaeli. Yawe Leza wao ali nayo. Umwakwe muvwika utupundu twakuzangila umwene.

1 Kolinto 15:52

Cii cilacitika zuwazuwa wa kukapaya kwi linso. Lino ntandala yakusyalikizya ilalila swemo tulazyukuka. Swe ya umi tulasenulwa.

1 Tesalonika 4:16

Kulaya kulaizya ilamulo, kuvwika kwi zwi lya mungeli mukulu, ciunda ca ntandala yakwe Leza, nga Mwene umwisikulu aliika kufuma mwiyulu. Yao afwile nu utailo muli Klistu yalazyukuka nkolelo yaye nu umi.

1 Timoti 3:16

Pasi umuntu nanti umwi angapazya ukulu wa nkama ya upefi witu ino ikati, Klistu walolike mu untu, Mupasi Wamuzilo wapile umboni pali aliwe ukuti wene umololoke, nupya walolike ku angeli. Wene yamukosozile mu nko zyonsi, antu yamutaile mu nsi yonsi, nga wene wasenzilwe kwiyulu mu lulumbi.

Yoswa 6:5

Lino muvwa kuno yakulizya intandala yao, lyene impuka yonsi iya vita ilinzile yalaizya ukulaizya ukukulu. Alino lyene ilinga lya musumba lilawa nga ni vita vilaya pa nkolelo. Cila muntu alingila mwenemo ulunga na panoli.”

Umbwilo 11:15

Nupya mungeli uwalenga cinimbali alizya ntandala yakwe, ngu mwiyulu muvwika mazwi akulu yati, “Ndakai akweti amaka akuteeka insi u Mwene witu na Katuula, nupya wene alateeka manda pe!”