Masamu 47:1 - Amazwi Yakwe Leza 2013

¹ Komelini amakufi mwe antu ya mitundu yonsi! Sanzulini amazwi apa kwimbila Leza ni nsansa!

Masamu 47:1 Iomraidhean Croise

2 Samueli 6:15

Acino wene pali pamwi na ina Izlaeli yonsi iyasenda Mbokosi ya Upangano yakwe Yawe iyatumbela ukuya ku Yelusalemu ala yakupunda ni nsansa iyalizya ni ntandala.

2 Yamwene 11:12

Yeoyada ali pakufumizya Yoasyi umwana wa mwene apanzi, nga amuzwika ni ngala ya wene, amupeela nu lupapulo lwa masunde ya pa cilimba ca wene. Fwandi ali vino lyene yamupasile amafuta nu kumulasika apa wene. Antu yonsi ali pakukomela amakufi nga yapunda yati, “Si kawala we mwene!”

2 Milandu 13:15

Aikazi amu Yuda yapundisya sana. Apakuuvwika kwa kupunda kuko, Leza acimvya Yeloboamu pamwi na ina Izlaeli yonsi apa manso yakwe Abiya na ikazi amu Yuda.

Masamu 106:47

Ala ule ututuule, we Yawe Leza witu, ungala utupususye, utufumye umu inamasi, utukonganike apakuti twalumba izina lyako lyamuzilo, nu kuti tulole nu kuzangila mu ucindami wako.

Masamu 42:1

Ndi vino inswela ikayaseela apa kulonda ukuli amanzi azuke, avino nani kwene nkukulukisya cuze we Leza.

Masamu 46:1

A Leza ali wino swemo tukazina munoli. Nupya ali wino akatupeela na maka, akatwazwa lyonsi sile lino tukaya umu ucuzi.

Masamu 47:5

Awiyo Leza waya uku kwikala pa cilimba ca wene! Yakumumila utupundu, yakulizya ni ntandala!

Masamu 98:4

Umililini Yawe utupundu mpanga yonsi, mupongomoke mupunde ni nsansa.

Masamu 98:8

Inguzi zyonsi kazikomele inkufi, imyamba nayo ipunde ni nsansa,

Ezaya 55:12

Icumi cumi mulafuma nu luzango, yalamutwala umulongo. Imyamba ni milundu vilapunda nu luzango apa nkolelo inu. Ni miti yonsi yamu mutengo ilakomela inkufi.

Yelemiya 31:7

Pano Yawe wavwanga wati, “Imbilini Yakobo nu luzango, mumilini tupundu twa nsansa. Zangilini ntunguluzi ya mitundu. Pongomokini, lumbanyini, mupunde muti, ‘Yawe watakulula antu yakwe, impondo zyakwe Izlaeli.’

Zefaniya 3:14

Si aleni saulini ulwimbo lwa nsansa mwe ina Izlaeli, mwangulisye nu kuzanga nu mwenzo onsi!

Zakaliya 4:7

“Nanti pace paye intazi uli, nemo ndalenga ukuti ukacimvye. Awewe ulankuulila cipya cipya Ng'anda yane ikulu, awewe nupya ulika ni iwe ilyapa nsonsi, lilyo na antu yalapunda yati, ‘Eya, kalukuwala! Kalukuwala!’ ”

Zakaliya 9:9

Sansamukini sile mwe ikazi amu Zioni! Umilini tupundu mwe ina Izlaeli! Lolini umwene winu awilya akwiza kuno muli! Wiza yakumucinila isoonga, pano watacimvya, lelo kwene wataicefya akuipitila pali punda, nawe indama mwana punda.

1 Samueli 10:24

Samueli anena antu yonsi ati, “Uzye mwailolela umuntu wino Yawe wasolola? Kusi nanti wenga wino yalingine nawe pali mwemwe.” Antu yonsi nayo yaasuka iyapunda iyati, “Si kalukuwala kuli we mwene!”