Masamu 44:3 - Amazwi Yakwe Leza 2013

³ Visi vyanzo vyao foo, kuno yacimvizye impanga. Nanti asi uku vyanzo vyao foo, kuno yapokile impanga. Lelo uku maka yako nu ku kukalala kwako sile. Pano lyonsi sile wayanga nayo, nu kuyatemwa wayatemilwe.

Masamu 44:3 Iomraidhean Croise

2 Samueli 7:23

Nupya kusi yano tungakolanya ku antu yako aina Izlaeli, uluko longa pano pansi luno Leza waile ku kukulula ukuti yangaya antu yakwe. Na kuti alumbuke, nga nu kucita ivizungusyo ivikulu ivyakoofya pa kuzinga imitundu ya inamasi kumwi na tuleza twao pa nsita ino antu yako yakwingila mu mpanga ya ulayo ukufuma ku Eguputo kuno wayakulwile.

2 Milandu 20:7

Uzye usi wewe wazinzile aikazi ya mpanga ii apa manso ya antu yako aina Izlaeli nu kupeela impanga ii ku amu mupanda wakwe Abulaamu cuza wako mpaka umuyayaya?

Masamu 111:6

Antu yakwe, wayalanga vino amaka yakwe yaya, apakuyapeela impanga iyali iya antu yauze.

Masamu 17:7

Langa ukutemwa kwako ukwa kuzunguka, we muno ukapususya yayo akasimwilila kunuli ukufuma uku anisi yako.

Masamu 20:6

Lyene namanya ukuti Yawe akapeela ukucimvya uku musololwe wakwe. Wene akamwasuka ukufuma umwakwe umupela umwamuzilo, nu ku maka yakwe akulu amupeela ucimvyo ukulu.

Masamu 4:6

Aingi yakati, “Ntanzi ngaweni angatupeela ulongo We Yawe, sungala utulolekesye luseluse!”

Masamu 42:11

Uzye pacani fwandi cino nikalile ulanda ulanda vii? Icati cinsakamalika vii icani? Awe nemo nkanataila sile muli Leza, nupya kwene ali wino nemo namawanzyanga, katula wane na Leza wane.

Masamu 42:5

Icani fwandi cino nati nkungumalila? Icani cino nemo nati nsakamalila vii? Awe cumi, nemo nkanataila sile Leza, pano nemo awino namalumbanyanga ndi vino nacitanga mpiti, pano ali katula wane na Leza wane.

Masamu 74:11

Icani fwandi cino ukukanila ukutupokolola? Wanyongela ni nsingo kuze!

Masamu 77:15

Uku maka yako sile, ali kuno wapuswisye antu yako yamwana Yakobo na yamwana Yosefu

Masamu 78:55

Azinga aikalangamo, lino antu yakwe yakuya mwenemo, nga aankanya ni nko zya ina Izlaeli impanga nu kuleka ukuti amuno yaikala.

Masamu 80:16

Anisi itu yatiyaoca uku moto, nu kuuwisya. Yalolekesye fwandi cipyu cipyu uleke yalowe!

Masamu 80:9

Umauselelela umu mbali apakuti wakula ningo. Imisisi yakweo yasuka yaya pansi ningo sana. Nao ali pakuvunda, walimba impanga yonsi.

Kufuma 15:16

Intete zikulu cuze yonsi zyatiziyalema Yene yalola amaka yako wene Yawe nga iyapeziwa amano ku ntete. Yene yikala sile cele mpaka antu yako yapuzya, antu yano wakulwile mu uzya.

Ezaya 63:12

Aukwi ukwaya Yawe uwaomvyanga amaka yakwe nu kuleka ukuti Mose acite ivintu vyakuzunguka, ivyakupandula Yemba apakasi pakuti antu yakwe yapite, nga nu kuleka ukuti Yawe alumbuke amanda pe?”

Zakaliya 4:6

Acino umungeli wilya anena amazwi yakwe Yawe Wamaka yonsi kuli Zelubabeli akuti, “Ivilacitika, asi ku maka ya vita ukulalenga vicitike, nanti asi ku maka yako foo, lelo vilacitika sile ku maka ya Mupasi wane.

Mpendwa 14:8

Yawe ndi watemwa angatwingizya mu mpanga ilya nu kuipeela kunotuli. Impanga ilya ikulu nupya ivunde cuze.

2 Kolinto 4:7

Swemo tukoline wa nyungu muno cuma cii casungwa. Maka ya umi yakafuma kuli Leza, asi kuno tuli.

Malango 10:15

Nga lelo Yawe wisile umwenzo pali yaso nu kuyatemwa wakwe cimwi. Nupya pa nko zyonsi wasolwile sile mwemwe, mwe amu mupanda wao, wakwe vino cili ilelo.

Yoswa 24:12

Nene kwene nayaponyezizye isakamiko, nga nalyo ililenga yamwene yalya yaili ya ina Amoli kuti yutuke pa manso inu. Mwemo mutacisile cico ku lupanga lwinu nanti ulapwa.

Yoswa 3:10

Lino mulaya pankolelo, wene atalaposiwa ukumuzingila aina Kenani, aina Hiti, na ina Hivi, na ina Pelizi, na ina Giligasi, na ina Amoli nga na ina Yebusi. Vii avino mulamanya ukuti Leza wa umi ali pakasi kinu

1 Samueli 12:22

Pasi pano pamulandu wakucindika izina lyakwe ilikulu Yawe atalamutazyela awe, pamulandu wakuti wene walapa nu mulapo ukuti amamucita ukuya antu yakwe kololo.