Masamu 44:2 - Amazwi Yakwe Leza 2013

² Vino wazinzile imitundu yuze ya antu nu kulasika antu yako mu mpanga yao kwene. Wemo wavunukanga imitundu yuze ya antu, nu kuleka antu yako yasanduluke.

Masamu 44:2 Iomraidhean Croise

2 Samueli 23:12

lelo Syama azyansya umu calo cici, acicingilila, nga akoma aina Filisti. Uwanda ulya Yawe acimvya apakalamba.

2 Samueli 7:10

Ndalondela antu yane icifulo cisuma. Ndayalasika cakuti nayo ali muno yalasyalilila umu cifulo kwene cico. Kusi umuntu aalayafumya mwenemo. Aipe nayo yatalatwalilila uku yacuzya wakwe vino yacitanga mpiti,

Masamu 105:44

Wayapile impanga zya mitundu, nu kupokolola vino imitundu yaculile,

Masamu 78:55

Azinga aikalangamo, lino antu yakwe yakuya mwenemo, nga aankanya ni nko zya ina Izlaeli impanga nu kuleka ukuti amuno yaikala.

Kufuma 10:2

Nkulonda mwalondolwela ana inu na aizikulu inu pa vizungusyo vii nu kuti mwayalondolwela vino nalenzile aina Eguputo kuti yaloleke atumpe. Lyene mwensi mulamanya ukuti Nene indi Yawe.’ ”

Kufuma 15:17

We, Yawe, ulingizya antu yako mukasi nu kuleka yikale pa mwamba wako, pa cifulo cino wasolola ukwikala penepo we mwisikulu, ili ng'anda yako yamuzilo, ino we Yawe waikuulila na makasa yako.

Kufuma 15:19

Aina Izlaeli yalamvile yemba pa musili uume. Lelo lino maceleta ya ina Eguputo ni mfwalasi na antu pansi iingile kuti yalambe yemba, Yawe alenga kuti amanzi yaswilile, na yonsi yamwela.

Kufuma 23:28

Ndalenga kuti aina Hivi, aina Kenani nga na ina Hiti yutuke lino mutacili mufikeko, nupya yalutuka wa antu yano yalumwa na mavu.

Kufuma 34:11

Mwayela amasunde yano nakupeela ilelo. Ndamuzingila aina Amoli, aina Kenani, aina Hiti, aina Pelizi, Hivi, nga na ina Yebusi lino mukuya kunoyali.

Ezaya 51:9

Katuka fwandi zyuka we Yawe Leza witu! Ndanga utwazwe kweneko, utupususye uku maka yako. Kalambana ndi vino wacisile uku myaka yampiti mpiti. Uzye asi wewe kwene wasandozile icilyanyi ci Laabu tupimfya tupimfya?

Yelemiya 32:23

Nayo ali vino yingile mwenemo nu kuipoka. Lelo yakana ukuyela amazwi yako nu kulondela amasunde yako. Yatacisile nanti conga pali vino wayanenyile. Caleka walesile ukuti uyi onsi uyaponele.

Mpendwa 13:32

Acino yasalanganya ni mpwelo iya ntumpu ku ina Izlaeli yonsi iya wiipe wa mpanga ilya, ino yendizye, yati, “Impanga ino twapitanga mwenemo pakwendezya, impanga imwi muli inzala. Antu yonsi yano twaweni atuuluke sana, atali.

Malango 32:7

“Si iusini ivyapita ku manda ya cisila, ivya kukatalili. Muzye akwasi inu nayo yamamunena ivyacitike. Muzye akoloci nayo yamamunena ivyacitike pa mpiti.

Malango 4:38

Na lino mwayanga pa nkolelo, wene wazinzile imitundu ikulu nupya iya maka ukuluta mwemwe, pakuti amwingizye mu mpanga kwene ilya, impanga ino icili iyakwinu.

Malango 7:1

“Yawe Leza winu alamutwala mu mpanga ino mulapoka nu kwikala mwenemo, nga wene alazinga mwenemo inko zivule. Lino mukuya pa nkolelo, wene alazinga mwenemo inko cinimbali izikulu nupya izya maka ukuluta mwemwe. Inko zii izya ina Hiti, na ina Giligasi, na ina Amoli, na ina Kenani, na ina Pelizi na ina Hivi, nga na ina Yebusi.

Yoswa 10:11

Lino aina Amoli yakuutuka aina Izlaeli mu museo ukufuma ku Beti Holoni ukutentemukila ku Azeka, Yawe ayaponyezya imvula ya mawe, nga yao afwile ku mvula ya mawe yavuzile ukuluta yao akomilwe na ina Izlaeli.

Yoswa 10:42

Yoswa wacimvizye yamwene yaa yonsi ni mpanga yao pa nsita ili yonga, pamulandu wakuti Yawe, Leza wa ina Izlaeli walwisizyanga aina Izlaeli.

Yoswa 11:23

Acino Yoswa atoola impanga ilya yonsi, wakwe vino Yawe wapeezile ilamulo kuli Mose, nga aipeela ukuya icaupyanyi ku ina Izlaeli ukulingana ni mendela zya mitundu yao. Caleka mumu antu iyakwata upemwilo ku ulwi.

Yoswa 21:43

Ali vino Yawe wapile aina Izlaeli impanga yonsi ino walavile nu mulapo ukupeela ku vikolwe vyao, nga nayo iyapokolola nu kwikala mwenemo.

Yoswa 24:12

Nene kwene nayaponyezizye isakamiko, nga nalyo ililenga yamwene yalya yaili ya ina Amoli kuti yutuke pa manso inu. Mwemo mutacisile cico ku lupanga lwinu nanti ulapwa.

Yoswa 3:10

Lino mulaya pankolelo, wene atalaposiwa ukumuzingila aina Kenani, aina Hiti, na ina Hivi, na ina Pelizi, na ina Giligasi, na ina Amoli nga na ina Yebusi. Vii avino mulamanya ukuti Leza wa umi ali pakasi kinu

Yakapingula 6:13

Gidyoni nawe amuuzya ati, “Uwi! Musambazi! Ndi cakuti Yawe waya naswe, uzye pacani cino imipamba yonsi ii yatuponela? Cili uli fwandi pa vintu vyonsi vino yatata yatunenyile, vino Yawe wacisile pa kuyafumya mu Eguputo? Yawe watatutazyela nu kuleka aina Midyani yatucuzya.”