Masamu 43:4 - Amazwi Yakwe Leza 2013

⁴ Nga alino lyene ndaya nkapalamile nu ku kavuwa kako we Leza, ukwaya insansa zyane nu luzango. Ali kuno ndazangila nu ku kuwanzizya mwi zeze, Leza, we Leza wane!

Masamu 43:4 Iomraidhean Croise

2 Samueli 6:5

Davidi nawe pali pamwi na ina Izlaeli yonsi ala yakuzevya apapezile amaka yao yonsi kuti yacindike Yawe. Ala yakulizya yababatoni, na yabanjo, nu tungoma, ni minsokwe, ni viwaya.

Masamu 26:6

We Yawe, nkafulala uku minwe apakulanga ukuti nene uwakaele nga inkupepa apa kuzinguluka kavuwa kako.

Masamu 33:2

Lumbanyini Yawe umwi zeze, mulumbanyini muli banjo.

Masamu 42:6

Umwenzo wane nemo ukukulukunta wakwe cimwi, ali cino fwandi, nkanalukukwiusya we Leza wane, muno mpanga muno naya iya Yodani, umupipi nu mwamba wa Helimoni nu wa Mizali.

Masamu 57:8

Kulukunta we mwenzo wane! Zumbika we ngoma yane ni cinanda cane! Namakatuka pa macaca!

Masamu 57:9

Namakutaizyanga uku mitundu ya antu, we Mwene! Namakulumbanyanga uku inamasi yonsi!

Masamu 63:2

Nemo nkukulukisya ukuti nkulole, umwi sano lyako ilya muzilo, muno ningalola amaka yako nu ucindami wako.

Masamu 81:2

Saulini ulwimbo, mwalizya nu tungoma. Insawa zilile ningo ni zeze

Ezaya 61:10

Iye mwe, Yelusalemu wane! Siangala nalukuzangila muli Yawe nu luzango. Umwenzo wane kawalu kuzangila muli Leza. Pano nemo watanzwika icakuzwala cakulanga ukuti nimpusuka. Watanzwika ilaya lyakulanga ukuti natincimvya. Eya, lyene nemo ndi wakwe nawinga wino azwite candaluwa!

Zakaliya 13:9

Cipande ca antu calenga vitatu cino casyala penepo cili cino nemo ndezya, nu kuyazifya ndi vino yakaengulula siluva, nupya ndayezya ndi vino yakaezya zaabu. Yalaalaizya izina lyane, nani ndayuvwa nu kuyanena inti, ‘Mwemwe antu yane.’ Nga nayo yalavwanga yati, ‘Wewe uli Leza witu.’ ”

Loma 5:11

Nupya cisi cico citupu. Tukazanga pali vino Leza wacita mu Mwene witu Yesu Klistu, uwalenga kuti tukwate kuwikizyanya na Leza.

Umbwilo 5:8

Lino akucita vii, viumbwa vyaumi vini pamwi na ikolo makumi yaili na yani yafukamila Mwana wa mfwele. Cila wenga wakweti zeze nga ni ngeso zyakwe zaabu izyazilemo vya mununko usuma nga navyo vili mapepo ya antu yakwe Leza.