Masamu 42:4 - Amazwi Yakwe Leza 2013

⁴ Umwenzo wane ukakulukunta ndi niusya ivyampiti, lino nayanga na maumba umu ng'anda yakwe Leza. Anene kwene natungululanga mulongo wa antu ni nsansa, lilyo ala tukwimbila Leza nyimbo zyakumulumbanya.

Masamu 42:4 Iomraidhean Croise

2 Yamwene 18:30

Nupya mutaleka Hezekiya amulyombeleke ukutaila muli Yawe. Mutelenganya ukuti Yawe alamupususya, nanti ukulesya ivita vyaku Asilya ukumulema nu kuzinguluka umusumba winu.

2 Yamwene 18:32

Mpaka umwene waku Asilya akamufisye ningo umu mpanga inu, mumo umwaya indya nu kumwa ivyakumwa ivisuma. Impanga iya miolivi nu uci, muno mulapita ulongo ukwaula ukufwafwa. Mutuvwa kuli Hezekiya pano akumusomba sile, lino akuti Yawe alamutuula.

2 Milandu 7:10

Alino apa wanda uwalenga amakumi yaili na yatatu umu mwezi wakwe cinimbali, Solomoni aleka ukuti antu yaswilile kumwao. Nayo apakuswilila ale yatiyazanga nu kuzanga wakwe cimwi umu myenzo yao apamulandu nu usuma onsi uno Yawe wacitile Davidi, Solomoni nu mutundu wakwe uwa ina Izlaeli.

Yobo 29:2

“Iye mwe, ndi cakuti nali vino umu manda yakucisila cali! Lilyo lino Leza wambakanga.

Masamu 100:4

Izini mwingile mu mpongolo zyakwe nu kutaizya, mwasansamuka umu nyimbo apa kwingila mu musolo wakwe. Si mungala mwamutaizya nu kulumbanya izina lyakwe!

Masamu 102:10

Pamulandu wa cipyu cako nu ukali wako, nemo wantola nu kumvwintila kuko!

Masamu 115:2

Icani fwandi cino ainamasi yangauzizya iyati, “Uzye Leza wao waya kwi?”

Masamu 122:1

Nazanzile wakwe cimwi lino nuvwile yakuti, “Katuye uku ng'anda yakwe Yawe.”

Masamu 122:8

Apa mulandu wa inane na yacuza yane namavwanga inti, “Yelusalemu, umutende uye munuli!”

Masamu 55:14

Nemo tuvwana mpiti nawe nu kuvwangila pamwi, nu kuliila apali ponga ni uvi lya antu uku ng'anda yakwe Leza.

Masamu 62:8

Mwe antu yane, lyonsi sile mwataila muli Leza! Mwamutula amacuzi inu lyonsi, pano ali muno tukapusukilamo.

Masamu 79:10

Kuno icani cino ainamasi yangatuzizya iyati, “Uzye Leza winu alikwi?” Fwandi leka tulole kuno ukupezya ainamasi, pali ucikoma uno yakomozile antu.

Masamu 80:6

Watuleka na antu ya mitundu ino twapalamana nayo yatiyatandika nu kulemanila apa mpanga itu. Na anisi itu nayo yakutuseka.

Ezaya 30:29

Lelo kwene mwemo mwe antu yakwe Leza, mwemuno mumasansamukanga, mumaimbilanga ni nyimbo zizi kwene zino mukaimbila usiku pa wanda ukulu wakucindika Leza. Mumasansamukanga wa antu akapita umulongo ala yakulizya imitolilo pakuya ku Ng'anda ikulu yakwe Leza, Kataasya wa ina Izlaeli.

Nyimbo zya ndosya 2:19

Mu nsita ya usiku mwakatuka lili lili nu kulilila uku Mwene. Mwamulilila wakwe cimwi, mwalengela na ana inu uluse, Ana yalya yano yakufwa insansalila umu visyoko vya miseo pamulandu ni nzala!

Nyimbo zya ndosya 4:1

Zaabu witu uwampiti umuyengese watafutalila! Amawe amu Ng'anda ikulu yakwe Leza yatiyasansantikila mu masansa yonsi amiseo.

Ezekelo 46:10

Intunguluzi ili nu kuya pamwi na antu, lilyo lyonsi lino yakwingila nalino yakufuma apanzi.

Yowelo 2:17

Lekini yasimapepo, yao akatumikila Yawe, nayo yalosye apakasi ka musolo wapa wingililo na kavuwa. Lekini yavwange yati, ‘We Yawe, su ngala uye nu luse pa antu yako. Utazumilizya kuti umwi asausye antu yako asololwe.’ Utaleka ainamasi yayaseke apa kuvwanzyanya yati, ‘Uzye Leza wao ali kwi?’ ”

Naumi 1:15

Lolini, uku mwamba kuku, kukwiza umuntu umwi wino asenzile ilandwe lisuma, ilya mutende pa kucimviwa kwa ina Asilya! Mwe antu amu Yuda, si mule muzevye ivimulo vinu, nu kufikilizya imilapo inu kuli Yawe. Antu ya ukakasi yatalatala yazanze impanga inu nupya. Yene yatiyononwa pyu.

Luka 16:25

“Lelo Abulaamu avwanga ati, ‘Cuza wane, iusya vino mu nsita ya umi wako wapezilwe vintu vyonsi visuma, lino Lazalo wene wapilwe vintu vyonsi viipe. Lelo ndakai wene kuno watatekeziwa, lino wemo ukucula cuze.

Malango 16:11

Muce mwasansamuka pa manso yakwe Yawe Leza winu, mwemwe pali pamwi na ana inu, na aomvi inu, na ina Levi, na inamasi, na ana asyale, alino na yamukamfwilwa yano mukaikala nayo. Muce mucite cii pa ncende yonga iyakupepela penepo.

Luti 1:21

Nafumile kuno ukwaula ukuulilwa cimwi, lelo Yawe watambwezya minwe mitupu. Uzye lyene pacani mukungama imuti Naomi? Yawe watandetela amacuzi. Leza Wamaka yonsi watamponyezya imipamba.”