Masamu 4:3 - Amazwi Yakwe Leza 2013

³ Mutailila ukuti Yawe umweneco waipaalwila akacita vyaololoke. Yawe akanguvwa nga napepa kunoli.

Masamu 4:3 Iomraidhean Croise

Masamu 31:23

Si mwalukutemwa Yawe, mwe aswepe yakwe mwensi. Yawe akawaka aufuma cumi, lelo wene akavunuka antu acilumba.

Masamu 34:15

Yawe aliwe ali kalinda wa ana asuma, nupya wene akauvwa ni nkuta zyao.

Masamu 49:3

Vino nkwelenganya kuno, ala ivya kumupanda amano, nkuvwanga amazwi ya mano.

Masamu 50:5

“Kolonganini kunondi, mwe uvi lyane, mwemuno mwapangine nani apa mpolelwa.”

Masamu 56:9

Uwanda uno nemo ndapunda, “Tutulwe,” anisi yane yalapuuka. Cino nemo namanya sile icakuti, Leza waya nani!

Masamu 6:8

Fumini panondi, mwensi mwe yakacita ya viipe! Yawe watanguvwa kuno nkumulilila.

Masamu 62:10

Mutataila umu vyaukakasi, mutazangila umu vyuma vyamu wivi. Nanti sile ivyuma vinu kwene nga cakuti vyavulisya, mutaviika kweneko amano!

Kufuma 33:16

Ndi cakuti wewe wapita naswe, ali wensi amamanya ukuti ukazangila mu antu yako pamwi nani. Cii cilalanga ukuti twaiyela ku antu amu nsi, ndi wewe wapita naswe.”

Yoane 15:16

Asi mwemwe mwansolwile, lelo nene namusolwile nu kumutuma kuti mukaseeka vizao vingi, vino vikaikalilila. Caleka Tata alamupeela consi cino mulamulenga mwi zina lyane.

Efeso 2:10

Leza watucita ndi vino tuli muli Klistu Yesu kuti twaikala ndi vino lyonsi akalonda, nu kuti twacita vintu visuma vino watuteyanyizizya.

2 Timoti 2:19

Lelo mufula ukome uno Leza wika wene utangatensiwa. Nupya pa mufula kwene uwo palembwa mazwi yano yakati, “Mwene wamanya antu yakwe” nupya yakati, “Wino wensi akaitaka ukuti wene umuntu wa Mwene alinzile kuzenzuka ku kuluvyanya konsi.”

Tito 2:14

Wene waipile umwisikulu pamulandu witu, kuti atukulule kufuma ku nkota zyonsi nu kutucita asanguluke nupya akwakwe wenga sile, nga nu kuleka kuti tuye nu muzonda wakucita visuma.

1 Petulo 2:9

Lelo mwemwe mutundu usololwe, yasimapepo aku wene. Mwemwe luko lwamuzilo, nupya antu yakwe Leza yano asololwa kuti yalande vicitwa vyakwe Leza vyakuzunguka. Leza uwamwama kuti mufume mu mfinzi nga mwize mu luswepo lwakwe ulwakuzunguka.

2 Petulo 2:9

Cii cikalanga ukuti Leza wamanya ivya kutuula antu asuma ku kweziwa kwao, nga ni vya kuvunuka antu aipe lino yacili yakulolela Wanda wa upinguzi.