Masamu 39:12 - Amazwi Yakwe Leza 2013

¹² “We Yawe, uvwa ukwi pepo lyane, unguvwe nakuli vino nkukupapata, utasula sile lino nkukulaizya! Nemo nene mwenyi apa nsita sile inono ndi vino ni vikolwe vyane vyonsi vyali.

Masamu 39:12 Iomraidhean Croise

Utandiko 21:34

Abulaamu aikala mu mpanga ya Filisti pa nsita ntali.

Utandiko 47:9

Yakobo aasuka ati, “Indi ni myaka umwanda onga na makumi yatatu mu umi wa kululumba kwane. Imyaka yane ili inono nupya iya ucuzi, ino itangakolana ni myaka ya kululumba kwa vikolwe vyane.”

2 Samueli 16:12

Cingaya limwi Yawe angalola ulanda wane nu kundandwila ivisuma pa ntipu zino natipwilwa api lelo.”

2 Yamwene 20:5

“Swilila ukamunene Hezekiya umwene wa antu yane uti, ‘Yawe, Leza wa cikolwe cako Davidi wavwanga ukuti natinuvwa ukupapata kwako, na minsozi yako natinjalola. Fwandi nemo namakupozya nu wanda uwalenga yatatu, ale wakwela kunondi, uku Ng'anda ikulu yakwe ne Yawe.

1 Milandu 29:15

We Yawe, umanyile ukuti mu umi witu tuli wa enyi na inamasi, ndi vino ivikolwe vitu vyali. Amanda itu akwikala pano nsi yali wa cinzingwa icikupita, nupya tutangutuka imfwa.

Yobo 13:28

Lyene nemo nasila nu kulokota wi leka lyaku muti, kwati ikoti lino yatulola uku mpenzu.”

Yobo 16:20

Yacuza yane yakunsoweka, nga nani nkalilila Leza.

Masamu 102:1

We Yawe, uvwa ukwi pepo lyane, uuvwe nu kulila kwane ungavwe

Masamu 116:3

Uzanzo wa mfwa wanzingulwike. Isakamiko lya mfwa wamvimbilikizye, icakuti nemo pasi pantete nu kusakamala sana.

Masamu 119:19

Kwene nene mwenyi pano nsi, utamfisa ivyeo vyako.

Masamu 119:54

Mukasi ka manda ya lwendo lwane pano nsi, natinsika inyimbo zya masunde yako.

Masamu 56:8

Wemo wamanya vino nkacula, ukaiusya na minsozi yane. Uzye kwene vitatantikwa umu lupapulo lwako?

Masamu 90:9

Manda itu yano tungikala muno nsi, wemo ukuyacefya pamulandu sile ni cipyu cako. Umi witu ukauluka sile wa mupu.

Aina Levi 25:23

“‘Mpanga inu italinzile kukaziwa kwa kuyelelela pe, pano isi impanga inu foo. Yene impanga yakwe Leza. Mwemo muli wa inamasi yano yazumiliziwa kuiomvya sile.

2 Kolinto 5:6

Acino lyonsi twaya akomeleke! Lyonsi lino tuli mu mili ii, ala tuli kutali nu Mwene.

Ayebulai 11:13

Mu utailo amuno yaa yonsi yafwilile. Yene yatapokelile vintu vino Leza wayalavile. Lelo yavilolile kutali nu kuvizengela. Nupya yazumile paswe vino yali wa enyi nupya ainamasi muno nsi.

Ayebulai 5:7

Lino Yesu wali pano nsi wene wapepanga nu kulenga Leza ni zwi likulu na minsozi, wino uwali na maka akumutuula ku mfwa. Leza wamuvwile, pano wene waicefizye nu kuya uwa cumi kunoli.

1 Petulo 1:17

Lino mukupepa mukaama Leza muti, “Tata.” Wene ataya na kasoozi. Lelo akapingula antu yonsi kulingana na vino cila muntu wacita. Acino lyene mwacindika Leza lino mucikweti umi muno nsi.

1 Petulo 2:11

Mwe yacuza yane, mwemwe enyi nupya mbutusi muno nsi. Acino nkumupapata kuti mutalondela nsuna zya mili, zino lyonsi zikalwisyanya nu mupasi winu.