Masamu 30:11 - Amazwi Yakwe Leza 2013

¹¹ Awewe ukasenula impoma yane ukuya iciila ca nsansa. Ukanzula umupango wa ndosya nu kunjika umu nsansa.

Masamu 30:11 Iomraidhean Croise

Utandiko 37:35

Ana yakwe aonsi na anaci yonsi yiiza ku kumutekezya, lelo akana ukutekeziwa avwanga ati, “Awe indi nu kulosya suka imfwe, ndondele umwanane.” Acino atwalilila ukulosya Yosefu umwana wakwe.

Utandiko 45:28

Lyene Yakobo avwanga ati, “Mwana wane umonsi Yosefu acili umumi! Ntakweti amazwi nayauze! Ndinzile ukupita nu kuyamulola lino ntacili imfwe.”

2 Samueli 6:14

Davidi wazwite cakuzwala ca efodi icapangilwa ku nsalu itelepelele umu musana, nga acina apapezile amazya yakwe yonsi kuti acindike Yawe.

2 Milandu 20:12

Wewe, we Leza witu kwati utangayapezya? Swemo tutakweti amaka akucimvyanya ni ciliumba icitaikulila wakwe cii icikutulwisya. Tutakweti ivyakucita pano amanso itu yasintilile kunuli.”

2 Milandu 20:3

Lilyo kwene Yeosafati auvwa intete nga aelenganya ukulenga amano kuli Yawe nu kupeela ilamulo ku antu yonsi umu mpanga yakwe Yuda kuti yatale yafunge ukulya.

2 Milandu 20:9

‘Uzanzo ndi watuponela umu nzila iziipe wa nkondo, impungo nanti ivipowe, tulimilila umu ng'anda kwene ii. Alino tulakuuta kunuli apa macuzi itu, lyene alino namwe muluvwa nu kutwazwa nu kututuula.’

Neemiya 8:10

Neemiya ayanena ati, “Pitangini muye mukalye inyama izinone. Mukamwe ni vyakumwa ivilyompe. Wiyo atakweti ivyakuteyanya nawe mumutumile kweneko, pano uwanda uu, uwanda umwi upaatwilwe Yawe Leza witu. Mutaezya mwateeza nanti ukukungumala, pano uluzango luno Yawe amamupeela lumamukomelezyanga.”

Esita 9:22

Ali manda yano Ayuda yakulwilwe uku anisi yao. Amanda yamwi yano ulanda wasangwike uluzango nga nu kulila kwao kwasangwike insansa. Wayalembela nu kuti yangazanga nu kucita amalila mu manda yayo, nupya yapeelana ivyawila nu kusakamala alanda.

Masamu 149:3

Kayapekula apa kulumbanya Yawe, yamulizizye utungoma na mazeze.

Masamu 150:4

Mulumbanyini umu tungoma nu kucina. Mulumbanyini umu mazeze nu mu mitolilo.

Masamu 27:7

We Yawe, si angala uvwe ukupunda kwane! Ya na mizu kunondi nu kungasuka!

Masamu 30:5

Pano ukali wakwe uwapa kasita sile akanono. Uluse lwakwe lwene ulwa muyayaya. Amanguzi uli na minsozi, lelo akatondo upunda nu luzango.

Masamu 4:7

We Yawe, wazanzya umwenzo wane, ukuluta na pali yano yakwatisya ingano na waini umupya.

Kasambilizya 3:4

Kwaya insita ya kuvwa ulanda ni nsita ya kusansamuka, kwaya insita ya kulosya ni nsita ya kucina.

Ezaya 25:3

Ali cino fwandi umutundu wa maka umakulumbanyanga. Umusumba wa mitundu ikalipe umakoopanga.

Ezaya 25:8

Lilyo ala wataonona ni mfwa kwene! Yawe Simwandalali alakumbula aminsozi mu manso ya antu yonsi. Wene alasisya insonyi uku antu yakwe yonsi. Yawe watavwanga.

Ezaya 61:10

Iye mwe, Yelusalemu wane! Siangala nalukuzangila muli Yawe nu luzango. Umwenzo wane kawalu kuzangila muli Leza. Pano nemo watanzwika icakuzwala cakulanga ukuti nimpusuka. Watanzwika ilaya lyakulanga ukuti natincimvya. Eya, lyene nemo ndi wakwe nawinga wino azwite candaluwa!

Ezaya 61:3

Wantuma na pakumyalalika yonsi yano yakulosya mu Zioni, na akuilizyanya ku kuyasansamusya. Apakuti umu nyimbo zyao zya malanda, impyanikizyepo inyimbo zya luzango. Umweneco Leza aliwe amayasunganga. Alino nayo lyene yamayenkemanga wa miti yalulembelya. Yonsi pyu yamayanga asuma, yamalumbanyanga na Leza pa miombele yakwe yamaka.

Yelemiya 31:4

Namakukuula nupya, umakuulwa nalyuze we nacisungu wane Izlaeli. Ulaiyemvya nupya. Ulatola nu tungoma twako nu kucina ni nsansa pamwi na yayo atiyasansamuka.

Yelemiya 52:33

Yeoyakimu, ali pakuzula ilaya lyamu ng'anda yaminyololo, walyanga napi tebulo lya mwene amanda yonsi aumi wakwe.

Luka 15:22

Lelo isi aama aomvi yakwe ati, ‘Pitisyini, letini zuwa umwingila usuma kuluta pali yonsi mumuzwike. Mumuzwike ni mbalaminwe ku munwe ni ndyatu ku ngazo zyakwe.

Yoane 16:20

Cumi nkumunena vino mulalila nu kulosya, lelo amu nsi yalasansamuka. Mulaya nu ulanda lelo ulanda winu ulasenuka uye insansa.

Umbwilo 21:4

Wene alayakumbula minsozi yonsi. Kutalaya imfwa nupya. Kutalaya kulosya nanti kulila, nanti kuvwa kuwaika. Vintu vyampiti vyati vipita.”