Masamu 30:1 - Amazwi Yakwe Leza 2013

¹ Namakulumbanya we Yawe, pano awewe wati untuula. Utalesile kuti anisi yane yaitanka pali nene.

Masamu 30:1 Iomraidhean Croise

2 Samueli 20:3

Lino Davidi wafika ukwi sano lyakwe umu Yelusalemu, atoola aci yakwe yauze ikumi lyonga yano wasile ukwi sano kuti yalisunga, nga ayayalila mu muputule wa ng'anda, yala yakulindwa. Wene ayapeela vyonsi vino yalondanga, lelo atalambalile nu kumanyana nayo. Yene yayalilwe mumu kwene amanda ya umi wao yonsi, yala yakwikala wakwe yamukamfwilwa.

2 Samueli 24:25

Davidi akuulila Yawe kavuwa kuku nga apeela amawila yakoca na mawila ya utandano. Alino Yawe aasuka ipepo lyakwe lino wapepelile impanga, nga ni mpungo iyaponile impanga ya Izlaeli ita.

2 Samueli 5:11

Lyene Hilamu umwene waku Tuli atuma inkombe kuli Davidi ni vilongelelwa ivya uculuzi. Wayalongelizye imilando ya mikelide, pamwi na yakawaza ya mbao na yakaconga ya mawe, nga nayo iyakuulila Davidi isano.

2 Samueli 6:20

Lino Davidi wawelulwike ukwakwe ku kupolelela amu mupanda wakwe, Mikala umwana umwanaci wakwe Saulo aiza ku kumukomenkanya nga amunena ati, “Iye mwe vino umwene waku Izlaeli wali wailanga ilelo! Umwene wali wailanga wa muntu umuwelewele pa manso ya anaci aomvi akaombela aomvi yakwe!”

2 Samueli 7:2

Nga alino umwene Davidi anena kasema Natani ati, “Si lola nemo nkaikala mu ng'anda ino yakulwa ni mbao zya mukelide. Lelo Mbokosi ya Upangano yakwe Leza yene ikaikala mwi taalu.”

1 Yamwene 8:63

Solomoni wapeezile impolelwa ya mawila ya utandano kuli Yawe, apa kufyula ing'ombe 22,000 nga ni mfwele ni mbuzi 120,000. Ali vino fwandi antu pamwi nu mwene yapeela impolelwa nu kupaatwila Yawe Ng'anda yakwe ikulu.

1 Milandu 21:6

Lelo Yoabu atapendenkinye amu mutundu wakwe Levi na wakwe Benjamini, pamulandu wakuti atazangile mwi lamulo lya mwene.

Masamu 13:4

Nu mwanisi wane atandike nu kuyuvwa ati, “Namucimvya.” Yano yakancuzya nayo yangazanga sana apakulola vino napempezyoka.

Masamu 140:8

We Yawe, utaleka antu aipe yafikilizya amapange yao! Utaleka yakwate ulongo muli vino yampangila.

Masamu 145:1

Namalandanga ukulu wako, we Yawe Leza wane, nupya ndalumbanya ni zina lyako amanda yonsi.

Masamu 25:2

Muli wewe, we Leza wane, amuno nataila. Utaleka insonyi zindeme. Utaleka anisi yane yaitanka pali nene!

Masamu 27:6

Lyene nati ntumpula nu mutwe apapelapela ya anisi yane, yayo ati yanzinguluka, lyene nemo inkutokowalika sile insingo apapela nu kupunda nu luzango apa kutuula impolelwa umwi sano lyakwe. Alino nu kwimbililila Yawe inyimbo zya kumulumbanya!

Masamu 28:9

Tuula antu yako, polelela umutundu wako. Uwa yatungulula nu kuyasunsa pa maye lyonsi.

Masamu 35:19

Utaleka anisi yane akapepa ufi yazange apamulandu wa kucimviwa kwane! Utaleka yao ampata ukwaula umulandu yansyenteka pamulandu nu landa wane!

Masamu 41:11

Ali muno ndamanyila ndi vino wantemwa umu cumi, umwanisi wane atakatale akayuvwe pali nene.

Masamu 66:17

Lino nemo napunzile nati, “Ntulwe!” Nalondanga kuti inamulumbanyizizya umu nyimbo.

Masamu 79:10

Kuno icani cino ainamasi yangatuzizya iyati, “Uzye Leza winu alikwi?” Fwandi leka tulole kuno ukupezya ainamasi, pali ucikoma uno yakomozile antu.

Masamu 79:4

Antu ya mitundu yano twapalamana nayo pasi pakutusoweka. Yene yakutuseka nu kutuwela penepo.

Nyimbo zya ndosya 2:15

Antu yonsi akupita mu musumba yakukusonta ni minwe, yakufunga na makofi misula misula. Yene yakuvwanga yati, “Uzye uu uli musumba uno yakulumbilizya yati, ‘Nacansonso Citaizipila, luzango wa nsi yonsi?’ ”

Danieli 4:37

“Lyene, ne Nebukadineza, nkulumbanya nu kucindika nu kupeela ululumbi ku Mwene wa mwiyulu, pamulandu wakuti vyonsi vino wene akacita ivisuma nupya ivya ulungi. Nupya wene angacefya yayo acilumba.”

Malango 20:5

“Alino yamusika ya vita yali nu kulunda ukunena asilika yati, ‘Uzye pano panotuli pali umonsi umwi cantete uwakuula ing'anda, lelo atacili aipaatwile Yawe? Ndi cakuti apanoli, cazipa aswilile ukwakwe. Pano limwi ndi yaya yamukoma ku nkondo, ale lyene umuntu muze angapaatwila Yawe ing'anda iyo.