Masamu 3:3 - Amazwi Yakwe Leza 2013

³ Lelo we Yawe, wewe cisyangu cane. Wewe uli ucindami wane, wewe ukampamya.

Masamu 3:3 Iomraidhean Croise

Utandiko 15:1

Pacisila ca vintu vii Yawe aloleka kuli Abulamu mu cilolwa, nga amunena ati, “Utuvwa intete, Abulamu, kunuli indi wa cisyangu cakukucinga. Ndakupeela uwila ukulu cuze.”

Utandiko 40:13

Mu manda yatatu Falao ale wakufumya nu kukwelela mulandu wako, akuswilizye na pa ncito yako. Uli nu kuya pelanga Falao ulwako lwakwe waini ndi vino wacitanga lino wali katumikila wa lwako lwakwe waini.

2 Yamwene 18:30

Nupya mutaleka Hezekiya amulyombeleke ukutaila muli Yawe. Mutelenganya ukuti Yawe alamupususya, nanti ukulesya ivita vyaku Asilya ukumulema nu kuzinguluka umusumba winu.

2 Yamwene 18:32

Mpaka umwene waku Asilya akamufisye ningo umu mpanga inu, mumo umwaya indya nu kumwa ivyakumwa ivisuma. Impanga iya miolivi nu uci, muno mulapita ulongo ukwaula ukufwafwa. Mutuvwa kuli Hezekiya pano akumusomba sile, lino akuti Yawe alamutuula.

2 Yamwene 25:27

Mu mwaka uwalenga amakumi yatatu na cinimbali ukufuma pano Yeoyakini umwene waku Yuda wasenzilwe umu uzya, uli mwaka uno Evili Melodaki yamulasike apa wene waku Babiloni. Wene wizile akwatila Yeoyakini amizu, nu kumufumya mu ng'anda yaminyololo. Nu wanda uno wene wamufumizye mu ng'anda yaminyololo, uli wanda uwalenga amakumi yaili na cinimbali, umu mwezi uwalenga ikumi na iili, umu mwaka kwene ulya.

Masamu 110:7

Umwene alamwa muluzi lwa mukuku, umu mbali ya nzila, ali cino alacimvizya.

Masamu 119:114

Wewe uli ncende yane yakuzinamo ni cisyangu cane, nupya nemo nkapaalila umu ulayo wako.

Masamu 18:2

Yawe cili ciliwe cane, nupya lili linga lyane na katuula wane. Wene ali Leza wane, nupya ciliwe cane cino nkaya uku kuzina mwenemo.

Masamu 27:6

Lyene nati ntumpula nu mutwe apapelapela ya anisi yane, yayo ati yanzinguluka, lyene nemo inkutokowalika sile insingo apapela nu kupunda nu luzango apa kutuula impolelwa umwi sano lyakwe. Alino nu kwimbililila Yawe inyimbo zya kumulumbanya!

Masamu 28:7

Yawe ali maka yane ni cisyangu cane, munoli ali muno umwenzo wane wataila. Wangazwa, nu mwili wane watiuzanga, ali cino nkumutaizya uku mwenzo wane onsi.

Masamu 4:3

Mutailila ukuti Yawe umweneco waipaalwila akacita vyaololoke. Yawe akanguvwa nga napepa kunoli.

Masamu 62:7

Ufyusi wane nu ucindami wane, vyasintilila muli Leza. Ali ciliwe cino nkazina mwenemo, ali muno nkauwa.

Masamu 84:11

Pano wemo we Yawe Leza, awewe tukazina mwenemo nupya wewe uli kavwangila witu. Watukwatila inkumbu nu kucindamika, ukatucindamika. We Yawe, usitwima ivisuma sweswe swe antu yako, swe ya miyele isuma.

Ezaya 45:25

Lelo muli Yawe amuno yonsi amu mupanda wakwe Yakobo yalacimvya nga yamulumbanye.’ ”

Ezaya 60:19

“Asi lanzi foo lino lilakukozezya uku macaca. Asi mwezi foo uno ulakukozezya amanda pe. Ala anene kwene ne Yawe, nene sile ndakukozezya pee na pee. Nene sile ne mucindami, anene ndaya uluswepo lwako.

Luka 2:32

Ufyusi wako ukoline wa luswepo ku Akulukuwa luno lulaleta ululumbi ku antu yako aina Izlaeli.”

Malango 33:29

Icumi mwe ina Izlaeli, mwemwe alongo! Kutatala kwaya yamwi akoline namwe, uluko luno Yawe watuula. Yawe umwisikulu ali cisyangu nu lupanga lwinu, ulwakumucingilila nu kumupeela ucimvyo. Anisi inu yaliza kunomuli nu kupapata kuti muyalolele uluse, lelo mwemo mulayalyatola pansi.

Umbwilo 21:11

Musumba wayengise wi we liyengese lyamutengo, wakwe Yaspele, uyengese mpe wakwe Kulustele.

Umbwilo 21:23

Kuwala kwi lanzi nu mwezi kusyalondekwa mu musumba ukulu, pano lulumbi lwakwe Leza lukayengesa mwenemo, nga nu Mwana wa Mfwele ali lampi lyauko.