Masamu 29:11 - Amazwi Yakwe Leza 2013

¹¹ Yawe aliwe akapeela antu yakwe amaka, nupya akapolelela antu yakwe upolelelo wa longo.

Masamu 29:11 Iomraidhean Croise

Masamu 138:3

Uwanda uno nalaizye wanguvwile, wandundile na maka.

Masamu 37:11

Lelo yao aicefya yalapyana impanga nu kusyukila ulongo ulumalilike.

Masamu 68:35

Iye mwe! Icumi we Leza walinga ukukukwatila icoopo umwi sano lyako ilyamuzilo. Icacumi Leza wa ina Izlaeli, akapeela amaka nu kukomya antu yakwe! Endita! Kulumbwe we Leza!

Masamu 72:3

Imyamba ni milundu vingaleka ukuti antu yako yaikala umutende ni syuko nu usuma penepo.

Masamu 72:7

Leka usuma uvulisye apa nsita ino Mwene ali pano nsi, ni syuko lya antu likayeko insita yonsi, ukufika na pano umwezi ulata ukuya penepo.

Masamu 84:7

Amaka yao yakavulila kweneko iyasuka iyafika nuku Zioni ukukulolekela kuli Leza wakwe yaleza.

Masamu 85:10

Ukutemwa na ucumi vilakomenkana. Uololoke nu mutende vilazengelana.

Masamu 85:8

Nemo nkukutika kuno Yawe akuvwanga, apamulandu wakutuletela ulongo swe antu yakwe, lelo cikulu sile tutaciwelela ku vya uwelewele.

Ezaya 26:12

We Yawe, awewe ukampela ulongo, pano vyonsi vino tukalola umu kuomba, awewe ukalenga ukuti tuvilole.

Ezaya 40:29

Leza wene aliwe akakomelezya yano yacepelwa amaka, na yano yatonta kwene.

Ezaya 40:31

Lelo kuli yayo akataila muli Yawe awe cumi yene amaka yao yakaweluluka. Yakakatuka na maka wakwe lyang'anda, na lino yavulumuka ulwilo yasitonta. Na lino yakupita sile, nalyo kwene amaka yao yasisila.

Ezaya 41:10

Ali cino mwemo mutaoopa, nemo namayanga pee namwe. Mutasakamala nanti cimwi pano nene indi Leza winu. Nene namamukomyanga nupya namamwavwanga. Nene namamusunganga nupya nene namamupususyanga.

Zakaliya 10:12

Nene ne Yawe ndakomya antu yane, nayo yalampepa nu kunjela.” Avino Yawe wavwanga.

Zakaliya 10:6

“Nemo ndakomya ang'anda yakwe Yuda, ndatuula ang'anda yakwe Izlaeli, ndayawezezya ukumwao, pano ninjuvwila inkumbu. Yalaya kwati ntatazile injafutatila, pasi pano nemo nene indi Yawe wao, fwandi acino ndauvwa na mapepo yao.

Yoane 14:27

“Namusila mutende, mutende wane auno namupeela. Ntamupile mutende ndi vino amu nsi yakapela. Mutaleka myenzo inu yaaziwa, nanti kuvwa intete.

Yoane 16:33

Nati munena vintu vii pakuti muzane mutende munondi. Lino mucili mu nsi mulacula. Lelo posyini! Nemo nati ncimvya maka amu nsi ii.”

Loma 14:17

Mu Wene wakwe Leza cintu cikulu asi kulya nanti kumwa, lelo kucita vyawololoke, mutende nu luzango, vino vikapelwa na Mupasi Wamuzilo.

1 Kolinto 1:3

Leza Tata nu Mwene Yesu Klistu amupeele cikuku nu mutende.

Efeso 2:17

Acino Klistu wizile akosola Ilandwe Lisuma ilya mutende kuli mwe Akulukuwa, mwe muno mwali kutali na Leza. Nupya wizile akosola Ilandwe Lisuma ilya mutende kuli swe Ayuda swe muno twali na Leza.

Efeso 3:16

Nkalenga ukuti Leza, kulingana nu kucindama kwa ukama wa cikuku cakwe, amukomye na Mupasi wakwe kuti muye akomeleke mu myenzo.

2 Tesalonika 3:16

Mwene wino ali intulo ya mutende umwisikulu amupeela mutende nsita zyonsi mu musango uli onsi. Mwene aye namwe mwensi.

2 Timoti 4:17

Lelo Leza wene atantazyezile, nupya wampile maka kuti nkosole ilandwe limalilike ku Akulukuwa yonsi kuti yuvwe. Nupya nakulwilwe ku upinguzi wa kufwa.

Umbwilo 1:4

Ne Yoane nalemba kalata ku mauvi cinimbali amu muputule wa mpanga ya Asiya. Cikuku nu mutende viye namwe kufuma kuli Leza, wino alipo, wino uwalipo, wino aliza. Cikuku nu mutende viye namwe kufuma ku mipasi cinimbali ili ku nkolelo ya cilimba cakwe Leza.