Masamu 28:5 - Amazwi Yakwe Leza 2013

⁵ Yene yasi sumba na mano yao ku vicitwa vyakwe Yawe, uku milimo ya makasa yakwe. Fwandi, Umwene ace ayaongolole, lelo ataca aezya nupya uku yakuula.

Masamu 28:5 Iomraidhean Croise

2 Samueli 7:13

Mwana wako ali wino alankuulila ing'anda, nani ndalenga kuti ana yakwe yace yalondekana ukuya aene, amanda pe.

2 Samueli 7:27

We Yawe Wamaka yonsi, Leza wa ina Izlaeli, pamulandu wakuti watuvwanga kuli nene ne muomvi wako uti, ‘Ndatoola ana yako, ayano yace yaya pa wene,’ ali cino nu kupama natimpama pa kupepa ipepo lii.

1 Yamwene 11:38

Ndi cakuti umayelanga vyonsi vino nkukupeela ilamulo, nu kupita umu nzila zyane, nu kucita vino nemo nkalonda, apa kusunga ivyeo na malamulo yane wakwe vino Davidi umuomvi wane wacitanga, lyene alino namayanga nawe insita yonsi. Alino ndakulasika pa wene wa Izlaeli, nupya ndaleka kuti aizikulu yako yateeka wakwe vino nacitile Davidi.

Masamu 10:5

Umwipe akaya nu longo muli vyonsi. Wene atangiluka upinguzi wakwe Leza. Yonsi akamulwisya wayasuula.

Masamu 104:24

We Yawe, wapanga ivintu ivivule! Iye mwe vino wacita na mano! Insi yazula tupu, uku viumbwa vyako ivitupu!

Masamu 8:3

Nemo nkati nga nalolekesya iyulu, lino wacita, intanda nu mwezi vino wika mwenemo,

Ezaya 22:11

Lwa mukasi, ali muno mwemo mwimvile icifula, icakufumyamo amanzi umu cifula campiti. Lelo mutasumvile amano kuli Cinda winu uwa cipanzile, nu kuti mulole cino wamuteyanyizizye cico ukufuma nu ku katalili.

Ezaya 40:26

Tumpulini amanso mucelecensye! Aweni wino wapanzile intanda zino mukulola? Ala awiyo wino wazitantamike imilongo, ungati iumpa lya vita. Ali wino wazimanya zyonsi, pano zyapela nu kuzyama akazyama amazina pano zyapela. Wakwatisya amaka icakuti pataya nanti longa luno lusyamuyela.

Ezaya 45:12

Nene napanzile insi ya pano pansi nu kuumba umuntu kuti aikale mwenemo. Nakonzolwile amayulu uku maka yane, nupya nene nkaleka kuti ilanzi lyawala, kumwi nu mwezi nga ni ntanda kwene.

Ezaya 45:18

Pano avino Yawe wavwanga, wiyo uwaumvile amayulu, wene ali Leza uwetetwile nu kupanga insi ya pano pansi. Wene uwaipanzile nupya ataiumbile apakuti mutaya kantu nanti kamwi, lelo kuti iye incende umwakwikala antu. Wene wavwanga wati, “Nene indi Yawe, kutaya namuze awe.

Ezaya 45:8

“Ndatuma ucimvyo ukufuma kwiyulu wa mvula. Umusili ulalepuka apa kuupokelela, apakuti mufumemo ufyusi wa antu uwa uwaololoke. Nene ne Yawe ndaleka cii cicitike.”

Ezaya 5:12

Musitala imusumba na mano ku kucita ivikalonda Yawe. Lelo mukasumba amano ku viila nu kulizya ivyakulizyalizya.

Yelemiya 31:4

Namakukuula nupya, umakuulwa nalyuze we nacisungu wane Izlaeli. Ulaiyemvya nupya. Ulatola nu tungoma twako nu kucina ni nsansa pamwi na yayo atiyasansamuka.

Oseya 14:9

Wiyo wino akweti amano auvwikisye ivintu vii. Wiyo wino angiluka, amanyikisye. Pano inzila zyakwe Yawe izya ololoke, nupya mukapita yayo akacita vyaololoke, lelo yacisanguka yakapumeka mwenemo.

Mpendwa 23:23

Pano pataya insapolo, nanti ulozi, uno ungaleta mupamba pa luko lwa Izlaeli. Lyene antu yalalanda pali Izlaeli yati, ‘Si lolini vino Leza watacita!’

Yoane 12:37

Nanti angala Yesu wacisile vilangililo vii vyonsi pa manso ya Ayuda, yene yatamutaile.

Loma 1:20

Pano kufuma lino Leza waumvile insi maka ya u Leza wakwe nanti yatangaloleka ningo mu manso itu, lelo yakaloleka mu vintu vino wacita. Caleka antu yatange yalole pa kukanila.

Loma 1:28

Mulandu uno antu yakana kusunga mano ya cumi apali Leza mu myenzo yao, Leza wayafutatila kuti yalondela melenganyo yao a ukakasi na kuti yacita vintu vino vitaine kucita.