Masamu 28:3 - Amazwi Yakwe Leza 2013

³ Utankululula nu kunsendenkanya pamwi na aipe, yakaleta tweo. Yene yakalanda ivya longo uku yauze, lelo ala umu myenzo yao muli ulupato.

Masamu 28:3 Iomraidhean Croise

Masamu 10:14

Lelo we Leza ukalola umulanda nu mucuzi akuilizyanya, nga waiteyanya lyonsi ukuyazwilizya. Umupina akaituula kunuli. Wewe uli kazwa wa ana asyale.

Masamu 10:7

Imvwango zyakwe mwazula ivitipu, intumpu, ni ngofyo. Wene wakalauka ukulanda amazwi ya ukali aipe.

Masamu 12:2

Yonsi yakatumpwilana. Yakalyongofya apa tunwa twao, nupya yaya ni ndimi ziili.

Masamu 141:4

Utaleka umwenzo wane ulole ukukucita ivintu iviipe nu kuomba imilimo ya ukakasi pamwi na yano yakacita ivyamusalula. Nupya utaleka indye ivyakulya vyao nanti viye ivyamalila uli.

Masamu 26:9

Utezya ungonone pali ponga na yakaifya. Utaleka mfwe pamwi na atazi yakatwe.

Masamu 36:4

Lino aizi pa musanzi wakwe, ala akwelenganya sile inzila zya lufyengo zitupu. Imisango yakwe isi yampomvu. Wene asifuntuka ku uyi nanti lyonga.

Masamu 52:1

Icani cino ukuitutumwila pa uyi wako we cimuntu ca vilumba? Umusanya onsi ukaelenganya sile ivyaononyi. Umulomo wako wasongola wakwe coco.

Masamu 55:21

Amazwi yakwe, yali sile asuma, lelo umu mwenzo wakwe mwene ulupato sile ali luno lwali mwenemo. Amazwi yakwe yuvwikanga atambalale fwandi mbali yali anyoleke wa lupanga.

Masamu 62:4

Kwene mwemo, ala mwimilile sile apa kumuseka, nu kumufumya apa ukama wakwe. Ala mwimilile sile apa kumutumpwila ufi nu kulanda amazwi kwati akumupolelela, lelo umu myenzo inu ala mukumutipwila sile.

Masamu 7:14

Umuntu mwipe wene akaelenganya sile iviipe. Akapanga ukuleta ivyongo nu kwikalila sile ukutumpoka.

Mika 3:5

Yawe wavwanga wati, “Antu yane yasombwa na yakasema yamwi, yano yakapumbola antu. Ndi umwi wayimula, yene yakamulaya umutende, lelo ndi atacisile vivyo, yene yakamunena amazwi ya misindicila a nkondo.”

Mpendwa 16:26

Alino anena iuvi ati, “Funtukini ku mataalu ya antu yaa ankota, nupya mutakumya icintu cao icili consi. Pano namwe kwene mungalowa kumwi nayo pamulandu wa maifyo yao.”

Mateo 25:41

“Lyene alanena yao ali kwi mani lyakwe ati, ‘Fumini pano, ntamumanyile mwe muno mwatipwizilwe. Yangini ku moto usyazima uno Leza wateyanyizizya Ciwa na angeli yakwe.

Mateo 25:46

Lyene antu yaa yalavunukwa manda pee, lelo antu akacita ivyawololoke yalaya nu umi wape.”