Masamu 28:2 - Amazwi Yakwe Leza 2013

² Uvwe izwi lyane kuno likukupapata, inkukulaizya we mwene, nkukatusya na makasa yane uku Ncende Yamuzilo kuluta.

Masamu 28:2 Iomraidhean Croise

1 Yamwene 6:19

Lwa kwitundu lya Ng'anda ikulu yakwe Leza kwakuuzilwe akamuputule ukwali nu kwikala Mbokosi ya Upangano yakwe Yawe.

1 Yamwene 6:5

Uku ng'umba zya kunzi ya muputule ukalamba, lwa mbali mbali, nu kwi tundu ya Ng'anda ikulu yakwe Leza, yasuntinkinye utu miputule tuze tutatu, ututuntinkanye. Cila kamuputule kali amamita 2, umu utali.

1 Yamwene 8:38

wemo uwauvwa amapepo yao nu kuyazwa. Ndi cakuti umuntu wako umwi umwina Izlaeli wazenzuka nu mwenzo wakwe onsi, icakuti pakupepa wakatusya amakasa yakwe umupela, walozya uku Ng'anda ikulu ii,

2 Milandu 6:13

Walanga wamata apakwimila apa tumpuke, apa cela ca mukuwa cino wisile apa musolo. Umu mbali zyonsi cali amamita yaili na citika. Ukuya papela namo cali mita wenga na citika. Fwandi apano aya aimilila, nga afukama, ala aina Izlaeli yonsi akongine yakumulola nga atumpula na makasa umupela.

Masamu 125:5

Lelo antu yano yakalondela inzila izipe, Yawe alayavunuka kumwi na yakaifya. Mutende uye kunuli we Izlaeli!

Masamu 130:2

We Mwene, utezye ukwi zwi lyane, teya amatwi kuno nkukupapata.

Masamu 134:2

Tumpulini amakasa inu uku Ng'anda yakwe ikulu, nga mulumbanye Yawe!

Masamu 138:2

Nkukupepa umu kulola uku Ng'anda yako ikulu. Namatakola izina lyako, pamulandu wa citemwiko cako, ni cisinka cako. Ulayo wako wakula ukuluta apa lulumbi lonsi.

Masamu 140:6

Nanema Yawe nati, “Wewe uli Leza wane.” Uvwa izwi lyane kuno nkukupapata.

Masamu 141:1

We Yawe, nalaizya kunuli, kalauka ukungazwa, teya amatwi uvwe ukwizwi lyane kuno nkupapata.

Masamu 141:2

Ipepo lyane likwele kunuli wa ubani, nu kutumpula kwa makasa yane, kuye wa mpolelwa ya manguzi.

Masamu 143:6

Natambika makasa yane kunuli, nkukuluka wa musili uume, uno ukulolela imvula.

Masamu 5:7

Lelo apamulandu nu kutemwa kwako ukukulu, nemo namaingilanga umu Ng'anda yako ikulu. Namakufukamilanga nu mucinzi, ulunga ni Ng'anda yako iyamuzilo.

Masamu 63:4

Nemo namakutaizyanga, amanda pe, aumi wane onsi pano nsi. Pa kupepa, namakatusyanga amakasa umupela kunuli.

Nyimbo zya ndosya 2:19

Mu nsita ya usiku mwakatuka lili lili nu kulilila uku Mwene. Mwamulilila wakwe cimwi, mwalengela na ana inu uluse, Ana yalya yano yakufwa insansalila umu visyoko vya miseo pamulandu ni nzala!

Danieli 6:10

Lyene lino Danieli wamanya ukuti icipope caticilembwa, aya ukwakwe, uku muputule wapapela, kuno amawindo yalozya ku Yelusalemu. Kuku kwene, ndi vino wacitanga lyonsi, Danieli afukama pansi apipi ni windo iliyulwe nga apepa kuli Leza wakwe, nu kumutaizya amaila yatatu umu wanda.

Danieli 6:11

Lyene lino anisi yakwe Danieli yaile kweneko wi umba nu kuzana kuno wene akupepa nu kulenga Leza kuti amwazwilizye,

1 Timoti 2:8

Mu kutumikila mwi uvi lyonsi nkulonda kuti aonsi aipeelesya kuli Leza yapepa, yala yakukatusya makasa yao kwaula kusoka nanti vikanza.