Masamu 26:9 - Amazwi Yakwe Leza 2013

⁹ Utezya ungonone pali ponga na yakaifya. Utaleka mfwe pamwi na atazi yakatwe.

Masamu 26:9 Iomraidhean Croise

2 Samueli 16:7

Syimei atipwila Davidi ati, “Senka pano, senka pano, we mutazi wa katwe we! We mpulamasunde we!

2 Samueli 21:1

Lino Davidi wateekanga, kwali icipowe icikulu icasenzile imyaka itatu iyalondekine. Acino Davidi auzya Yawe kuti amupanzye amano pali cii, nga nawe amwaasuka ati, “Saulo na aluko lwakwe yali nu mulandu wa utazi wa katwe. Wene wakoma aina Gibyoni.”

Masamu 139:19

We Leza ulakoma aipe! Senkini pano mwe antu mwe muno mukalonda ukuzwisya uwazi!

Masamu 51:14

Untuule uku mpanzela, Leza we katula wane. Alino nu lulimi lwane lumakulumbanyanga apa ulungi wako.

Masamu 55:23

Yakazwisya ya wazi na yayo aundyondyo apa lulimi, yene we Leza ulayasumbila umu ciwina icizike, icaula impela, lino yatacili yafike pakasi ka manda yao akwikala pano nsi. Lelo kwene nemo panondi pano, namatailanga muli wewe.

Malaki 3:18

Nupya kwene antu yane yalalola upusano uwaya pakasi ka antu akacita vyaololoke na yakaifya, pakasi ka antu akatumikila Yawe na yayo asimutumikila.”

Mateo 24:51

Wene alamuvunuka cuze nupya alamusumbila ukunzi ku cifulo ca asomvi kuko kuno alalila nu kulumanya ncecete.

Mateo 25:32

Antu amu nko zyonsi pano nsi yalakongana pa manso yakwe, nga nawe alapalukanya antu ndi vino kacema akapalukanya mfwele ni mbuzi.

Mateo 25:44

“Alino nao yalavwanga yati, ‘Mwene uzye alilaci lino twakuweni ala uli ni nzala, nanti nu lusala, nanti lino wali mwenyi, nanti musizye, nanti mulwale, nanti mu ng'anda yaminyololo, kwaula kukupempula?’

Mateo 25:46

Lyene antu yaa yalavunukwa manda pee, lelo antu akacita ivyawololoke yalaya nu umi wape.”

1 Samueli 25:29

Ndi umuntu mui wezya ku kuzanza kuti akukome, Yawe Leza wako alakucingilila wakwe vino umwi akacingilila icuma icamutengo ukulu. Lelo wene alavwinta anisi yako wakwe vino antu yakafiika amawe na legeni.