Masamu 26:7 - Amazwi Yakwe Leza 2013

⁷ Nkaimba ulwimbo lwakukutaizya we Yawe, nu kutakoola vicitwa vyako ivyakuzunguka vyonsi.

Masamu 26:7 Iomraidhean Croise

1 Milandu 16:24

Kosolini ululumbi lwakwe, ku antu amu nko zyonsi, mulande ivicitwa vyakwe vyamaka ku antu a mpanga zyonsi.

Masamu 105:2

Mwimbilini, mwimbilini amalumbo, mwalazye ivipezyamano vyakwe vyonsi!

Masamu 118:19

Njulilini kweneko impongolo zyamu ncende yamuzilo muleke inje mwenemo nkataizye Yawe!

Masamu 118:27

Yawe ali Leza, aliwe watulanga ni vyakucita. Lemini imisambo ya miti umu minwe, tutandike ukumuzengela, twapita ale tukuzinguluka kavuwa kakocelapo impolelwa.

Masamu 119:27

Ndondolwela ivyakulondela ivyeo vyako, uleke naelenganya apa vipezyamano vyako.

Masamu 134:2

Tumpulini amakasa inu uku Ng'anda yakwe ikulu, nga mulumbanye Yawe!

Masamu 145:5

Yene yalalanda pa lulumbi nu ucindami wako, nga nemo ndaelenganya pa milimo yako yakuzunguka.

Masamu 72:18

Mwalumbanya Yawe, Leza wakwe Izlaeli, kacita wa vintu vyonsi vii ivyakuzunguka wenga sile!

Masamu 9:1

Namakutaizya we Yawe, nu mwenzo wane onsi, namataka ni vicitwa vino wacita ivyakuzunguka.

Masamu 9:14

apakuti ningimilila inkolelo ya antu amu Yelusalemu nu kuyanena ivintu vyonsi vino nkakulumbanyizizyapo. Namazanga pano wemo wantuula.

Masamu 9:2

Namaimbilanga ni nsansa pamulandu wako. Namaimbilila ni zina lyako, we Leza Wamaka yonsi.

Masamu 95:2

Katuye kunoli, tumufukamile, tumulumbanye ni nsansa umu nyimbo ni ngoma.

1 Samueli 1:24

Pacisila lino umwana wilya walumwike, Hana amusenda, nga asenda na cipambasi uwa myaka itatu, nu usu wa ngano ukulingana na makilogalamu ikumi lyonga na waini, nga amuleta ku ng'anda yakwe Yawe ku Syilo.

1 Samueli 1:27

Ali mwana wi wino nailengile, nga Yawe watampela cino nalenzile.