Masamu 26:2 - Amazwi Yakwe Leza 2013

² Utale uncecete, we Yawe, nu kunjezya. Umpime umu myelenganyizizye yane nu muvilondwa vyane.

Masamu 26:2 Iomraidhean Croise

Yobo 13:23

Uzye fwandi nacita vyani? Navino naluvyanya ivyani? Nenini vino naluvyanya navino nacita.

Masamu 17:3

Nanti angala wemo wasakaula umu mwenzo wane, nupya wiza wampima usiku, wanjezya umu musango uli onsi, lelo pasi nanti umulandu umwi uno wazana. Nemo nsilanda iviipe.

Masamu 66:10

We Leza, ala watwezya, watusambula wakwe vino yakaengulula siluva umu moto.

Masamu 7:9

Mala ivicitwa vya ukakasi vya antu aipe. Lelo antu akacita ivisuma uyalambule. Pano wewe Leza wino akapima amelenganyo ni myenzo kwene. Antu ukayaputwila imilandu ukulingana navino yakalonda, nga na vino yakaelenganya.

Yelemiya 20:12

Lelo we Yawe Wamaka yonsi, wemo ukalungika apa kwezya antu. Wemo ukalola ivyaya mu myenzo yao nu munda zyao. Pasi pano nemo nintuula umulandu wane mu makasa yako.

Zakaliya 13:9

Cipande ca antu calenga vitatu cino casyala penepo cili cino nemo ndezya, nu kuyazifya ndi vino yakaengulula siluva, nupya ndayezya ndi vino yakaezya zaabu. Yalaalaizya izina lyane, nani ndayuvwa nu kuyanena inti, ‘Mwemwe antu yane.’ Nga nayo yalavwanga yati, ‘Wewe uli Leza witu.’ ”