Masamu 26:1 - Amazwi Yakwe Leza 2013

¹ We Yawe, mvwangile kweneko, pano nkacita ivisuma. Nupya nataila muli wewe we Yawe, ukwaula kusiima.

Masamu 26:1 Iomraidhean Croise

2 Yamwene 20:3

“We Yawe, si ungala wiusye vino nakuombelanga usaka. Nakutontelanga amanda yonsi. Si angala wiusye vino nezyanga ukucita vyonsi vino wanena kuti incite.” Lyene Hezekiya alila aminsozi nu ulanda ukulu cuze.

Yobo 2:3

Yawe nawe auzya Satana ati, “Uzye watulola vino umuomvi wane Yobo ali? Uzye muno nsi mungaya umwi wino yangalingana nawe uku usuma nu ku ulungami? Yobo waya nu mucinzi kunondi ne Yawe. Wene akafuntuka ku kucita iviipe vyonsi nupya akasunga ukaele wakwe. Ale lyene walola vino waicuzizye sile apa kunzembeleka nu kumpatikizya kuti imuletele imikosi apaula umulandu.”

Yobo 4:6

Uzye fwandi wemo ukufukila Leza kutange kukukomelezye? Nanti imiyele yako isuma itange ikupeele utailo?

Masamu 121:3

Atalaleka ulwazo lwako lusyetuke, wiyo aakakulinda atalatala asipule foo.

Masamu 15:2

Awiyo akapita uwakaele, wiyo akacita ni vilungamane, wiyo akavwanga ivyacumi vyamu mwenzo wakwe.

Masamu 21:7

Pano umwene wataila muli Yawe. Nga pamulandu wakutemwa ukwamuntaputuka kwakwe Yawe wene atange atente foo.

Masamu 25:2

Muli wewe, we Leza wane, amuno nataila. Utaleka insonyi zindeme. Utaleka anisi yane yaitanka pali nene!

Masamu 25:21

Si angala usuma na ucumi wane vile vincingilile, pano nemo nasintilila munuli.

Masamu 26:11

Lelo nemo nkacita ivilungame, Ya na mizu kunondi nu kunkulula.

Masamu 28:7

Yawe ali maka yane ni cisyangu cane, munoli ali muno umwenzo wane wataila. Wangazwa, nu mwili wane watiuzanga, ali cino nkumutaizya uku mwenzo wane onsi.

Masamu 31:14

Lelo nemo nataila muli wewe, we Yawe, nupya nkuvwanga inti, “Wewe uli Leza wane.”

Masamu 35:24

We Yawe Leza wane wewe wacumi, fwandi mvwangile ndi vino nene muntu wakaele. Utaleka anisi yane ayano yaitanka panondi,

Masamu 37:31

Ilandwe lyakwe Leza, lyaya umu mwenzo wakwe. Ni ngazo zyakwe zitange zitale zisyetuke.

Masamu 4:5

Tuulini impolelwa isuma kuli Yawe, nu kutaila munoli.

Masamu 43:1

We Leza, si mvwangile uku antu atakwata uluse, yayo atakusakamala, untulanye uku antu ya ufi nupya aipisye yamwi!

Masamu 54:1

Untuule uku maka yako we Leza, untuule ukunzyansyo zyako!

Masamu 62:2

Wenga sile, aliwe akampokolola, nupya ali cilwala wane nu ufyusi wane. Ali muno nkazina, fwandi nemo, ntalatala intelengane.

Masamu 62:6

Wenga mpo, ali ciliwe cane nu ufyusi wane. Ali muno nkazina, intalatala ntelengane.

Masamu 7:8

We Yawe, awewe ukaputwila antu yonsi imilandu. Lyene umvwangile nani, we Yawe, pano nene wakaele nu wa miyele isuma, we Leza wapapelapela.

Masamu 94:18

Akula nemo nati, “Ulwazo lwane ilwasyelemuka,” ukutemwa kwako We Yawe kukantungilila.

Mapinda 20:7

Umulungami, wiyo akapita umu nzila ya ukaele, ana yakwe alamulondelela pacisila yalasyuka.

Mapinda 29:25

Ukoopa antu cili wa citeyo, Lelo ukutaila muli Yawe kukapususya.

2 Kolinto 1:12

Tungaitumika pano yakampingu itu yasininkizya kuno tuli ukuti umi witu muno nsi waya uwa cumi nupya uwaula ucenjezi, maka maka lino twali mu utandano namwe. Nupya twatungululwanga na maka acikuku cakwe Leza kuluta kutungululwa na mano ya untu.

Ayebulai 10:23

Lekini tulemasye kulanda pa upaalilo witu kwaula kutonta, pano tukutaila ukuti Leza alafikilizya ulayo wakwe.

1 Petulo 1:5

Kupolelelwa kuu ukwakwe mwemwe, mwe muno mu utailo mukasungwa ningo na maka yakwe Leza kufika ku ufyusi uno ulasokololwa pa mpela ya nsita.

2 Petulo 1:10

Caleka, inane ezyini na maka kucita consi icingalanga ukuti Leza wamwama nupya wamusolola. Ndi mwatwalilila kucita cii, ale lyene mutalatala mupone mu utailo winu.

1 Samueli 2:9

“Aliwe akacingilila antu yano yakamuyela lelo antu akacita ukakasi yene akayasunkilizya mu kanda. Pano umuntu atangacimvya ku maka yakwe wenga.

1 Samueli 24:15

Si Yawe aye kapingula witu nga atupingwile umulandu. Si ale apituluke mu mulandu wane, ampokolole nu kuntuula kuli wewe.”