Masamu 25:3 - Amazwi Yakwe Leza 2013

³ Yonsi akataila munuli yatalazewana. Lelo yayo akakusangukila zuwazuwa, ali yano insonyi zilalema.

Masamu 25:3 Iomraidhean Croise

Utandiko 49:13

“Zebuluni alikala mumbali yakwe yemba. Mu nkumba ino Zebuluni alikalamo lilaya ilambwa lyakufisamo amato. Mpanga yakwe ilafika mpaka nu ku Sidoni.

1 Milandu 10:13

Saulo wafwile pamulandu wakuti atali uwacumi kuli Yawe. Wene atayelanga amasunde yakwe Yawe. Walondanga utunguluzi ukupitila mu kusapola ku mipasi ya afwe

Masamu 109:3

Yakuvwanga ivyaufi pali nene, yakunsonsomba ukwaula umulandu

Masamu 119:78

Leka avilumba insonyi ziyaleme, apa lufyengo luno yakamfyenga. Kunondi ndetetwila umu masambilizyo yako.

Masamu 123:2

Ndi vino aomvi yakatontomezya amanso apa musambazi wao, nanti vino umuomvi umwanaci akatontomezya amanso pali mangu kateeka wakwe, ali vino naswe kwene tutontomizye amanso kuli Yawe Leza witu, kusuka aye na mizu kunotuli.

Masamu 132:18

Anisi yakwe ndayafupilizya insonyi, lelo uwene wakwe wene ulaya nu longo wa kuwalula kwa maluwa.”

Masamu 22:6

Lelo nemo nene mombololo sile nga insi muntu foo. Nasaaluka apa antu nu kusulwa na ali wensi.

Masamu 27:14

Ali cino fwandi, mwataila muli Yawe! Mukwate upaalilo, mutezya mwatovoka foo. Ee, cacumi, mwataila muli Yawe!

Masamu 31:17

Nkukuta kunuli, we Yawe, utaleka insonyi zindeme. Lelo leka insonyi zileme yao aipe, yatelemukile cimyamya kuzimo!

Masamu 31:18

Myalalika utunwa twao, yaye a yaciulu, pano twanenolanga cilumba cilumba uwakaele.

Masamu 33:20

Utailo witu waya muli Yawe. Wene ali kazwa witu na kacingilila witu.

Masamu 35:26

Yano yakasansamukila api syamo lyane, kayaye ni nsonyi uleke na mano yao nayo yayapele. Aikala kwati yanduta, leka insonyi ziyaleme, yazewane nu kuzewana!

Masamu 37:34

Taila muli Yawe, uwalondela inzila zyakwe. Alakupeela amaka akupyana impanga, ulalola nakuno antu aipe yazingwa mwenemo.

Masamu 6:10

Anisi yane yonsi kayuvwe insonyi, yapelelwe na mano. Yalutonye, ni nsonyi ziyalemu.

Masamu 62:1

Umwenzo wane wazana ukupuza muli Leza mutupu. Ufyusi wane wafuma sile kunoli.

Masamu 62:5

Nemo a Leza sile wenga, ali wino nikalilila, nupya ali wino nataila.

Masamu 69:4

Antu akantandika uku mpata, yati yaya anyanya. Yavulisya nu kuluta inyele zyakumutwe. Yakasomba yaufi, akansombezye ukwaula umulandu uno nacita, yakalonda sile umwakuti mfwile. Nkapatikiziwa ukulipa vino ntiya.

Masamu 69:6

Utezya uleke naezya ukuzewanya antu akutaila we mwene. Iye mwe, Yawe Wamaka yonsi! Utaleka nene naletela antu akupata insonyi, we Leza wakwe Izlaeli?

Masamu 71:13

Leka yayo ankatukila insonyi ziyaleme, nu kulowa yale yalowelele sile! Yao akalonda ukuncita cimwi kayasundwe, nu kuzewana yazewane.

Ezaya 25:9

Mu wanda ulya yene yalavwanga yati, “Cumi kwene wi ali Leza witu. Twataile ukuti aliwe alatukulula! Wene ali Yawe nupya tukataila munoli. Si lekini tuzange nu kusansamuka pano watatupususya.”

Ezaya 40:31

Lelo kuli yayo akataila muli Yawe awe cumi yene amaka yao yakaweluluka. Yakakatuka na maka wakwe lyang'anda, na lino yavulumuka ulwilo yasitonta. Na lino yakupita sile, nalyo kwene amaka yao yasisila.

Ezaya 49:23

Yamwene yalaya ali yaso akukulela. Yanamwene nayo yalaya ali yanyoko akukulela. Yalakufukamila mpaka yasimpa nu tupuma twao pansi. Yalamyantila nu lukungu ku ngazo zinu. Alino lyene ulamanya ukuti nene indi Yawe. Yayo akapaalila munondi insonyi zitalayalema awe.”

Yelemiya 20:11

Lelo we Yawe, wemo waya ku lusansa lwane, nupya wewe ilamba lyamaka, na yayo akuncuzya yamapempezyokanga yaposiwa. Yene yalaposiwa mpaka yazewane pee, pamulandu wakuti yalaposiwa kufikilizya cino yakasi. Ukupupana kwao kutalatala kwililike, awe.

Nyimbo zya ndosya 3:25

Yawe umusuma kuli yonsi yano yamutaila.

Mika 7:7

Lelo nemo namapempukilwa kuli Yawe. Namalolelanga Leza Katuula wane. Leza wane amanguvwa.

Yoane 15:25

Lelo cii cayako kuti icalembwa mu masunde yao cifikiliziwe, cino cikati, ‘Yampata pasi nanti mulandu.’

Loma 8:25

Lelo ndi tukupaalila cino tusikulola, ale tukulolela mukuteka mwenzo.