Masamu 25:2 - Amazwi Yakwe Leza 2013

² Muli wewe, we Leza wane, amuno nataila. Utaleka insonyi zindeme. Utaleka anisi yane yaitanka pali nene!

Masamu 25:2 Iomraidhean Croise

2 Milandu 13:18

Aina Izlaeli yacimviwe apa nsita ilya, lelo aikazi aku Yuda yacimvizye pamulandu wakuti yene yasintilile muli Yawe, Leza wa vikolwe vyao.

Masamu 13:5

Lelo nemo inkutaila umu kutemwa kwako ukwa pe, we Yawe. Ungala uleke umwenzo wane uzangile uku wazwilizyo wako.

Masamu 142:6

Ungala sile uvwe ukupapata kwane, ulanda wati ukulisya, untuule kweneko kuli yao akuncuzya pano yatiyandusya amaka.

Masamu 18:2

Yawe cili ciliwe cane, nupya lili linga lyane na katuula wane. Wene ali Leza wane, nupya ciliwe cane cino nkaya uku kuzina mwenemo.

Masamu 22:1

Leza wane, Leza wane, uzye icani cino wantazyela? Nkula nkulaizya ntulwe, lelo kusi kukalauka ukungazwa!

Masamu 22:5

Awewe vyalililanga nawe ala ukuvipususya. Vyakutailanga nga vitaicuzizye awe.

Masamu 22:8

“Wataila muli Yawe, ale lyene Yawe kakutuule tuvwe! Leka wene akukulule, pano akazangila munuli.”

Masamu 31:1

Nazina kunuli we Yawe, ni nsonyi zitakundema foo. Untuule pano wewe wa ulungi.

Masamu 31:15

Umi wane onsi waya umu minwe yako. Umpususye uku minwe ya anisi yane, yakwe yayo akancuzya.

Masamu 31:2

Teya amatwi kunondi, kalauka ungavwe! Uye Ciliwe cane ni linga lyane ilyakupusukilamo.

Masamu 34:8

Muyuvwile mweisikulu mwenga usuma wakwe Yawe vino waya! Wasyuka wiyo akasimwilila kunoli.

Masamu 37:40

Umwene akayapususya nu kuyavwa, akayatuula, pano kuli aliwe akuno yakazina.

Masamu 41:11

Ali muno ndamanyila ndi vino wantemwa umu cumi, umwanisi wane atakatale akayuvwe pali nene.

Masamu 56:1

Undole luse luse we Leza pano antu yati yankatukila, anisi yane yakuncuzya pee!

Masamu 7:1

Yawe Mwene Leza wane, nazina kunuli. Ntuule kuli yonsi yano yanzunya, umpususye,

Masamu 71:1

Leza we, akuli wewe akuno nemo nkazina, utaca ukatale ukaleke nuvwe insonyi.

Masamu 91:2

alanena Yawe ati, “Wewe uli cele lyane, muno nkauwa! Wewe Leza wane wino nataila.”

Masamu 94:3

We Yawe uzye aukwi kuno avilumba yalafika? Uzye ukusansamuka kwa yantu aipe kulapelela kwi?

Ezaya 26:3

We Yawe antu yano yakasumba amano kuli wewe, nu kukutaila, leka yaikala umutende.

Ezaya 28:16

Ali cino Yawe Simwandalali akuti, “Nemo namaimba umufula mu Zioni umucumi. Alino umufula kwene uo, namaika penepo iwe lyonga ilikome, ililemvilwe penepo amazwi akuti, ‘Uwazumila atalatenkana!’

Ezaya 37:10

“Leza wako wiyo wino wemo ukutaila mwenemo utaleka akusomba sile, ndi cakuti amakunena ukuti umusumba wa Yelusalemu ntalaupoka ne mwene wa ina Asilya.

Ezaya 37:20

Ali cino fwandi we Leza witu tupususye kweneko ku ina Asilya, uleke antu yonsi apano nsi yasininkizye ukuti wewe wenga mpo, awewe Leza wacumi.”

Ezaya 37:35

Anene nkusunga nu kucingilila umusumba uu, apakulanga vino ne mweneco nacindama, na pa ulayo uno nalavile umuomvi wane Davidi.”

Ezaya 41:16

Mulaavwintila imyamba umupela nu muza nao ulaisenda. Icipunga naco cilaisalanganya. Lelo mwemo mulaasansamuka pano nene indi Leza winu. Mulandumbanya ne Leza Wamuzilo wakwe Izlaeli.

Ezaya 49:23

Yamwene yalaya ali yaso akukulela. Yanamwene nayo yalaya ali yanyoko akukulela. Yalakufukamila mpaka yasimpa nu tupuma twao pansi. Yalamyantila nu lukungu ku ngazo zinu. Alino lyene ulamanya ukuti nene indi Yawe. Yayo akapaalila munondi insonyi zitalayalema awe.”

Yelemiya 17:18

Yano yakancuzya kayazewane, lelo utaleka kuti nemo nzewane. Si leka ingofyo ziyaponele, lelo nemo utangofya. Uyaletele uononesi nu kuyavungola.

Loma 10:11

Pano calembwa mu malembelo cati, “Wino wensi uwamutaila wene atalacitwa insonyi.”

Loma 5:5

Nu upaalilo uu usyatulenga insonyi pano Leza wapongolwela kutemwa kwakwe mu myenzo itu muli Mupasi Wamuzilo, ali wila witu kufuma kuli Leza.

1 Petulo 2:6

Pano calembwa mu malembelo cati, “Nasolwile iwe lyamutengo cuze, lino nkwika mu Zioni liye iwe lya pitungi, na wino wensi uwataila munoli atalacitwa insonyi.”