Masamu 23:3 - Amazwi Yakwe Leza 2013

³ Ali kuno akawezezya umwenzo wane amaka. Akantungulula umu nzila zya ololoke, pakuti ncindike izina lyakwe.

Masamu 23:3 Iomraidhean Croise

Yobo 33:30

Apakuyapususya ku mfwa, nu kuleka yakwate insansa mu wikazi wao.

Masamu 106:8

Lelo wene wayapuswisye pamulandu wa ulayo wakwe apakuti alanga amaka yakwe alulumbi.

Masamu 109:21

We Yawe Simwandalali ungantuula ndi muno wandaile, umpususye pamulandu ni citemwiko cako ica luse.

Masamu 119:176

Inkululumba wa mfwele iponge, lelo ndanga undondole ne muzya wako, pano nemo ntapumbuka umu masunde yako.

Masamu 19:7

Amasunde yakwe Yawe yaya alungame. Yakapeela umi upya. Upinguzi wakwe Yawe uwa cumi. Ukapela amano kuli yao akayalonda.

Masamu 31:3

Pano wewe ciliwe cane ni linga lyane. Ali cino fwandi, apamulandu wi zina lyako, undangilile nu kuntungulula ndi muno walaila.

Masamu 31:4

Umfumye umu citeyo cino yatiyanteya. Wewe uli cisao cane.

Masamu 34:3

Katuwanzizye capamwi ukulu wakwe Yawe, katumulumbile ca pamwi!

Masamu 5:8

We Yawe, nkweti anisi aingi! Ntungulule umukucita ukulonda kwako, Ungupazye inzila yako pakuti nalondelamo.

Masamu 51:10

We Leza, mpeko umwenzo wa kuyela uwike munondi umwenzo upya uposye.

Masamu 51:12

Umbwezezye insansa zya ufyusi wako, umpeele umwenzo ukome nupya utontelele.

Masamu 79:9

Ndu tutuule, we Leza katuula witu, pano wemo wewe mucindami. Ali cino fwandi ndanga utwazwilizye, ukumbule na maifyo itu, alino antu yamakulumbanya.

Masamu 85:13

Uololoke auno umakolelela Yawe, nga nu kumuteyanyizizya inzila umwakupita.

Mapinda 4:11

Nemo nakulanga imisango yakukwatilamo amano, nu kukutungulula umu nzila zya ulungami.

Mapinda 8:20

Nkapita umu museo wa ololoke, umu nzila ya ulungami.

Ezaya 42:16

Ndatungulula impafu mu miseo ino yene yatamanya, ndayatungulula umu nzila izitamanyika kunoyali. Ndasangula imfinzi ino yakapita mwenemo kuti iye uluswepo. Alino amawe amu nzila, nemo ndayafumya mwenemo, pakuti yace yapita apaswepe. Ali vino nemo ndacita nupya ntalatala mvitazyele.

Yelemiya 31:25

Pano ndimula umwenzo utovoke, ndikusya nu mwenzo onsi uno ukucula.

Yelemiya 31:8

Silola, ndayawezya ukufuma ku kayeya, ndayakolonganika kufuma ku mpela zya pano nsi. Yonsi pyu impafu ni vilema, umwanaci anyomelile na wino ali pakulela, yonsi yalaweluluka kuno wi umba lino litaikulila.

Ezekelo 20:14

Lelo nupya nasuzile sile pano nga nailetile sile nenga insonyi ku antu amitundu, alolanga kuno nayafumyanga mu Eguputo.

Efeso 1:6

Lekini tulumbanye Leza pa cikuku cakwe ca lulumbi, na pa wila uno watupeela mu Mwana wakwe mukundwe!

Umbwilo 3:19

Nkanenola nu kuvunuka yonsi yano natemwa. Lyene ikako mano nu kuzenzuka.