Masamu 22:26 - Amazwi Yakwe Leza 2013

²⁶ Apina yalalya pano yatemilwe aeneco, na yano yakalonda Yawe nayo yalamulumbanya. Si angala yaye nu longo amanda pe!

Masamu 22:26 Iomraidhean Croise

1 Milandu 29:10

Davidi alumbanya Yawe apa manso ya antu yonsi akongine. Avwanga ati, “We Yawe Leza wakwe Izlaeli icikolwe citu, si antu yakulumbanye umuyayaya.

Masamu 107:9

Akaikusya umwenzo uli nu lusala, nu kupeela ivisuma kuli yano yali ni nzala.

Masamu 116:14

Umwi uvi lya antu yakwe, muno yatiyakongona, ali muno namafikilizya ulayo kuli Yawe uno namulavile.

Masamu 116:18

Namafikilizya ulayo uno nalavile we Yawe, apa manso yi uvi lyako ilyati likolongana,

Masamu 40:10

Insyakutala mfise amazwi akuti wemo ukapususya. Lyonsi sile nkavwanga apamulandu na ucumi wako nu wazwilizyo wako. Umwi uvi lyako, nsiikala cele, apamulandu nu kutemwa kwako ukwa muntaputuka. Na pali ucumi wako, nkavilanda penepo umwi uvi lya antu yako ilikalamba.

Masamu 40:16

Leka yao akaiza kunuli yasansamuka nu kuzanga! Leka yao atemwa ufyusi wako, lyonsi yati, “Yawe umukulu.”

Masamu 50:14

Ukuntaizya ne Leza, lekini akuno kuye impolelwa ya kuntuula, nu kufikilizya ulayo uno mukandaya ne Leza mukulu.

Masamu 69:32

Mutaweni fwandi, mwe alanda sansamukangini. Namwe mwemuno mukalonda Leza, namwe komini sile penepo.

Ezaya 25:6

Apa mwamba uu uwa Zioni ali pano Yawe Wamaka yonsi alimula antu amitundu yonsi pyu iya pano nsi. Palaya ukuilyokezya ivyakulya visuma na waini umusuma wakwe cimwi, inyama isuma na waini wampomvu wakwe cimwi.

Ezaya 65:13

Icaleka Yawe Simwandalali akuti, “Aomvi yane yalalya vyakulya, lelo mwemo mulikala ni nzala. Aomvi yane yalamwa vyakumwa, lelo mwemo mulacula uku lusala. Mulaapita sile nsonyi nsonyi lino auzo yakupita ni nsansa.

Yona 2:10

Alino Yawe apeela ilamulo ku ciluswi cici kuti ciluke Yona apa cituntu pa musili ume, nga naco icicita vivyo kwene.

Yoane 4:14

Wino wensi alamwa manzi yano nemo ndamupeela wene ataluvwa lusala nupya. Manzi yano ndamupeela yene yalaya wa kafukoka ka manzi munoli, yano akapeela umi wape.”