Masamu 21:9 - Amazwi Yakwe Leza 2013

⁹ Nga waca waloleka sile, alayonona wa cininkwa camoto. Yawe alayalovya uku ukali wakwe, nu moto nao ulayamalilila.

Masamu 21:9 Iomraidhean Croise

Utandiko 19:28

Nga asumba manso pali Sodoma na Gomola nu mu cifoloma nga alola icunsi kwati cikufuma umwi lungu.

Ezila 6:12

Yawe umwisikulu uwasolwile ukuti izina lyakwe likasyalilile uku Yelusalemu, angavwintila ukutali wiyo wensi uwaca wasuula isunde lii, nu kupanga ukuti akonone ng'anda ii yakwe Leza nupya. Nene ne Dalyusi nati akawe nalyo! Napeela ni cipope cii. Fwandi inkuti kacalondelwa ningo.”

Yobo 6:3

vinganyoma ukuluta umusensenga uwamu nkumba yakwe yemba. Acino ukuzaila kwane kutange kuzungule mwemwe.

Masamu 106:17

Nga alino papo kwene umusili wayulika, wamila Datani nu kukupikila Abilamu na amu ng'anda yakwe.

Masamu 18:38

Nkayakomola mpaka iyaposiwa nu kukatuka. Nkayafwanta pansi injalyatola.

Masamu 18:8

Umu mpuno zyakwe imwasuka ni cunsi, mukanwa kakwe namo imufuma icimbilimbili ca moto, icikaisye icinyesula nu munyeswa.

Masamu 2:12

Pano wene ndi wasoka angamulovya, pano icipyu cakwe cikaaka zuwa. Alongo ayayo akazina kunoli.

Masamu 2:5

Alino ayanenola ukali ukali, nu kuyoofya sana umu cipyu cakwe ati,

Masamu 50:3

Awiyo Leza witu akwiza, asikwiza cimyamya foo. Cimbilimbili ca moto caticimukolelela, alino cipunga ca muza icimulizizya.

Ezaya 26:11

Anisi yako yatamanya ukuti wemo ungayakalipila. Ala we Yawe leka insonyi ziyaleme, leka yacule ucuzi uno wayateyanyizizya. Yalange ukutemwa kuno watemwa antu yako.

Nyimbo zya ndosya 2:2

Ukwaula nu kuvwa uluse, Yawe wataonona imisumba yonsi yamu mpanga yakwe Yakobo. Cipyu cipyu, wene wataonona amalinga yano yacingililanga impanga. Watalenga nu kuti uteko uzewane kumwi na yakateeka yamwenemo.

Naumi 1:6

Lino wene wasoka, uzye aweni angimilila pa manso yakwe Yawe? Aweni angaposya ukali wakwe uwakofya? Ukali wakwe ukafuluma kwati icimbilimbili ca moto, na mawe iyavungoka pa manso yakwe.

Malaki 4:1

Yawe Wamaka yonsi wavwanga wati, “Cumi kwene uwanda ukwiza lino antu yonsi acilumba na yakacita yankota yonsi yalapya wa mapelele. Pa wanda ulya yene yalapya pyu, mpaka yasyale itwi litupu.

Mateo 13:42

Lyene pacisila alayasumbila mwi lungu lya moto, muno yalalila nu kulumanya ncecete.

Mateo 13:50

nga yasumbe aipe mwi lungu lya moto, mumo muno yalalila nu kulumanya ncecete.

Mateo 22:7

Lelo Mwene asoka cuze, nga atuma asilika yakwe kuya koma inkomi zizyo nu kooca misumba yao iikulu.

Mateo 25:41

“Lyene alanena yao ali kwi mani lyakwe ati, ‘Fumini pano, ntamumanyile mwe muno mwatipwizilwe. Yangini ku moto usyazima uno Leza wateyanyizizya Ciwa na angeli yakwe.

Mateo 25:46

Lyene antu yaa yalavunukwa manda pee, lelo antu akacita ivyawololoke yalaya nu umi wape.”

Mateo 3:10

Na ndakai kwene impasa iteyanyiziwe kusinda imiti pa visinte. Umuti onsi uno usiseeka vizao visuma ulakomwa nu kusumbwa mu moto.

Mateo 3:12

Akweti ulupe ulwakwelela kuti aele ingano zyakwe zyonsi, azikolonganike nu kuzisezya mu nkoma. Lelo mapumbu alayoca mu moto usyazimiwa.”

Malango 32:22

Ukali wane ulalunkuma wa moto nu koca akali konsi akaya pano nsi. Wene ulafika na pisina lya nsi nu koca imisisi ya myamba.

1 Tesalonika 2:16

Nupya yakwene yezizye kutulesya kukosola ilandwe ku Akulukuwa, lino lyange liyatungulule ku ufyusi. Ayuda yapitilila mu kwifya. Acino ndakai Leza wasoka nu kuyavunuka.

2 Tesalonika 1:8

mu cimbilimbili ca moto, kwiza vunuka yao akakana Leza nupya asyataila Ilandwe Lisuma lya Mwene witu Yesu.

Umbwilo 19:15

Lupanga lukali cuze lwafumile mu mulomo wakwe, luno wene alacimvizyako antu amu nko. Wene alayateeka ku nsonzo ya cela. Wene alafena matingi mu ciwina ca kufenelamo matingi a cipyu nu ukali wakwe Leza wa maka onsi.

Umbwilo 20:14

Lyene imfwa ni cifulo ca antu afwe vyoili visumbwa muli yemba wa moto. Yemba kwene wii uwa moto, ili imfwa yakwe ciili.