Masamu 21:3 - Amazwi Yakwe Leza 2013

³ Icumi cumi wamupolelile apakalamba wakwe cimwi. Nu kumuzwika uku mutwe icilongwe cakwe zaabu muswefiwe.

Masamu 21:3 Iomraidhean Croise

2 Samueli 12:30

Pali pakutoola ni cilongwe ku mutwe wakwe kaleza ka ina Amoni, ka Moleki. Icilongwe cico capangilwe na zaabu nupya canyomile ukufika nu ku makilogalamu manye amakumi yatatu na yasano nga cakweti ni iwe lyamutengo umukasi. Asenda ni visampwe ivingi ukufuma mu musumba ulya.

2 Samueli 2:4

Lyene aonsi amu Yuda yiiza ku Hebuloni nga iyapongolwela Davidi mafuta, iyamwika pa cilimba ca wene wakwe Yuda. Lino Davidi uvwa ukuti aikazi amu Yabesyi mu musumba wa Gileadi yazika Saulo,

2 Samueli 5:3

Ali vino aikolo amu Izlaeli yaile ku mwene Davidi ku Hebuloni, nga umwene apangana nayo kuku kwene pa manso yakwe Yawe. Alino iyapaka Davidi amafuta iyamulasika uwene wa Izlaeli.

1 Milandu 20:2

Davidi azula umwene wao ingala yakwe zaabu, nga lino waipima ukunyoma, azana ukuti inyomile amakilogalamu 5, nga pa ngala kwene iyo pali utumawe twamutengo ukulu wakwe cimwi. Alino Davidi yamuzwika ingala iyo, nga asenda ivisampwe vivule mu musumba ulya.

2 Milandu 6:41

“Iye! We Yawe Leza, ale lyene katuka wingile mu cifulo cako, wewe kwene pamwi ni Mbokosi ya Upangano, iili icimanyililo ca maka yako, amuno uwaikalilila amanda pe. Uwapolelela yasimapepo yako umu vintu vyonsi vino yamacitanga. Uwaleka nu kuti antu yako yonsi yakusansamukila pano awewe ukayazanzya cuze.

Yobo 41:11

Uzye aweni angiza ailizyanye pali nene, pano ivintu vyonsi pano pansi ivyakwane.

Masamu 18:18

Anisi yayo yankatukile uwanda uno nazanzilwe, lino nali umu ntazi, lelo Yawe wampokolwile.

Masamu 20:5

Lyene tuce tupunde ni nsansa apakucimvya kwako nu kutumpula imendela umwi zina lyakwe Leza witu. Sangala Yawe ale akupeele vyonsi vino walenga!

Masamu 31:19

Iye mwe, we Yawe vino usuma wako wakula, uno ukacitila yayo akukwatila icoopo! Ala kwene icakuzunguka uku muntu ali wensi, apakulola vino wemo ukacitila yao akutaila, yano yakaiza umu kuzina kunuli.

Masamu 59:10

We Leza wane, we muno wantemwisya, umaiza kunondi. Umaiza uleke kuti indole kuno anisi yane yakucimba.

Loma 11:35

Uzye aweni uwatala amupeela cimwi nawe amuwezezya?”

Loma 2:4

Nanti uzye ukasula kuvula kwa luse lwakwe Leza na vino akatutekela mwenzo? Uzye utamanyile vino Leza ali nu luse kunuli kuti akutungulule ku kuzenzuka?

Efeso 1:3

Lekini tutaizye Leza nupya Isi wa Mwene witu Yesu Klistu! Pano muli Klistu amuno wene watupolelela pa kutupela upolelelo onsi uwa mupasi kufuma mwiyulu.

Ayebulai 2:9

Lelo ndakai tukalola Yesu wino pa nsita imwi inono wacefiwe kuya pisika lya angeli. Ndakai tukalola vino wene wapelwa lulumbi nu mucinzi pano wene wacuzile kufika lino wafwile.

Umbwilo 19:12

Manso yakwe yakoline wa cimbilimbili ca moto, nupya wene wazwite ngala zingi zya wene ku mutwe. Wene wakweti zina lino lyalemvilwe panoli. Lelo kusi umwi uwalimanya suka umwisikulu.

1 Samueli 16:13

Samueli atoola umusazi wa mafuta amupaka pa manso ya ina yakwe yonsi. Ukutandika pa wanda kwene uwo Mupasi wakwe Yawe wikila pali Davidi nga utamusile. Lyene Samueli akatuka aswilila ku Lama.