Masamu 20:8 - Amazwi Yakwe Leza 2013

⁸ Yene yalapumika nu kupona pansi. Lelo swemo tulimilila sika nu kuzyansya!

Masamu 20:8 Iomraidhean Croise

2 Yamwene 19:23

Wewe watutuma inkombe zyako kuti zintukoole ne Yawe. Wemo ukuyuvwa nu kuyuvwa uti, ‘Ne Senakelibu nakwata amaceleta yane, anene naile nu kuyacimvya uku myamba ntali, ukufika sile na pa ntonje ya mwamba wa Lebanoni. Nupya naya nakoma imikelide italimpisye, kumwi ni myovu iya kwene isuma sana. Nupya nafika mpaka nu ku mpela, ku mitengo isuma wakwe cimwi.

2 Milandu 14:10

Alino Asa amukomenkanya uku kumulwisya. Iyakomenkana umu lunyika lwaku Zefata pipi nu musumba wa Malesya.

2 Milandu 14:11

Lyene Asa apepa kuli Leza wakwe ati, “We Yawe, kusi umwi akoline nawe wiyo angatutuula. We Yawe, Leza witu, si ule utwazwe, pasi pano amuli wewe sile muno tusintilile amaka. Umwi zina lyako amuno twatitwizila apakulwisya iumba lya vita lilyo ilikalamba. Iye we Yawe, wewe Leza witu nupya kusi nanti wenga angakucimvya.”

Ezila 8:22

Nemo nakweti insonyi izyakulenga umwene Alitakisesi impuka ya vita, vya pa ngazo ni vya pa mfwalasi, ivyakutucingilila ku anisi pa lwendo lwitu. Pasipano alanga twanena umwene ukuti Leza witu alapolelela umutundu witu onsi uwamutaila, lelo wene alavunuka umuntu wensi uwamusangukile.

Masamu 124:8

Uwazwilizyo witu waya ukwi zina lyakwe Yawe, wiyo uwacisile iyulu ni nsi.

Masamu 125:1

Yayo ataila Yawe yaya wa mwamba wa Zioni, uo usi wakutensya, uno wikalilila pee.

Masamu 33:16

Uwingi wa vita usipususya Umwene foo. Umucindami nawe, avivyo kwene, asiipususya uku maka yakwe foo.

Masamu 33:17

Imfwalasi itange iye iya kutailako apakupusuka foo. Amaka yakweyo atupu yatange yakutuule foo.

Mapinda 21:31

Umuntu angateyanya mfwalasi yakuya lwisizyako inkondo, lelo Yawe wenga mpo aliwe akapeela ucimvyo.

Oseya 14:4

Yawe akuti, “Ndawezya antu yane kunondi, ndayatemwa nu mwenzo wane onsi, pano natinta ukuyasokela.

Mika 7:8

Mwe anisi yitu mutatuseka. Nanti angala twatitupona, lelo tumakatuka. Nanti angala twatitwikala mu mfinzi, Yawe ali luswepo lwitu.

Yoswa 11:4

Yamwene ya yonsi iyakatuka pamwi ni vita vyao vyonsi, iciliumba icikulu wakwe cimwi, avule wa musensenga uwamu nkumba yakwe yemba. Lyene imfwalasi zyao pamwi na maceleta navyo afumfwe.

Yakapingula 5:31

Acino we Yawe sungaleka anisi yako yonsi yafwe, lelo sungaleka yacuza yako yaengesa wa kutunka kwi lanzi! Nga mu mpanga ilya mwali umutende pa myaka amakumi yani.

1 Samueli 17:45

Davidi nawe anena umwina Filisti ati, “Wemo wanjizila nu lupanga ni sumo, lelo nemo nakwizila sile na maka yakwe Yawe Wamaka yonsi, Leza wa vita vya ina Izlaeli, wino wemo ukasausya.