Masamu 19:9 - Amazwi Yakwe Leza 2013

⁹ Ukoopa Yawe kwazipa nupya kukaikalilila pe. Ivikapingula Yawe ivyacumi, vyonsi pano vyapela vyalungama

Masamu 19:9 Iomraidhean Croise

Utandiko 22:12

Alino mungeli ati, “Utezya ukukoma mulumendo nanti ukucita icili consi kunoli. Lyene nimanya ukuti wemo ukacindika nu kuyela Leza, pano utanjimile umwana wako umonsi uwaya sile wenga.”

Utandiko 42:18

Pa wanda uwalenga yatatu Yosefu ayanena ati, “Nene muntu wino akaopa Leza. Caleka citini cii kuti mutakomwa.

1 Yamwene 18:12

Nga cakuti nala nafumapo, limwi Mupasi wakwe Yawe amakutwala ku ncende yuze, ino nemo nsikumanya. Lelo ndi cakuti naya nanena Aabu ukuti wemo uli kuno, alino ndi cakuti wene wiza wazana usi penepo, ale lyene angiza ankomole sile. Uwaiusya ukuti nemo naipelesya ukupepa Yawe ukufuma ku wance wane.

Neemiya 5:15

Lelo alasi ankolelile yacuzyanga antu. Yapokololanga antu ivyakulya na waini ukwika penepo ni mpiya zyakwe siluva, anganyoma ukulingana na citika wakwe kilogalamu. Alino na aomvi yao kwene yatesile antu ukukalili. Nemo palwane intatazile incite icamusango ndi uo, apamulandu nu koopa Leza wane.

Masamu 10:5

Umwipe akaya nu longo muli vyonsi. Wene atangiluka upinguzi wakwe Leza. Yonsi akamulwisya wayasuula.

Masamu 111:10

Ukoopa Yawe ili ntendekelo ya mano. Alino antu akaopa Yawe yakakula na mano. Ica cumi Yawe uwakulumbanya pe na pee!

Masamu 115:13

Yawe amapolelelanga yayo yonsi akamoopa akama kumwi na apina.

Masamu 119:1

Alongo ayayo anzila zitambalale, yayo akalondela amasunde yakwe Yawe.

Masamu 119:106

Indi nu kusunga ulayo wane, uwakuyela amasambilizyo yako a ulungi.

Masamu 119:111

Amalamulo yako ali vyuma vyane ivyakuyelelela. Ali luzango lwa mwenzo wane.

Masamu 119:142

Wololoke wako ulayelelela pee, na masunde yako yalaya acumi pee.

Masamu 119:39

Mpususye uku kalandauzi kano nkaopa. Iye Mwene vino upinguzi wako wapezya mano!

Masamu 119:62

Usiku pakasi nkakatuka ukukuwanzya apa upinguzi wako ulungame.

Masamu 119:7

Lyene ningakuwanzya nu ku mwenzo mpee, apa kusambilila ivyeo vyako ivya ulungami.

Masamu 119:75

We Yawe, namanya ukuti upinguzi wako uwa ulungi, nu kuti wamvunwike pano wewe wacumi.

Masamu 12:7

We Yawe, sungala walukutusunga nu kutuwaka pe uku luko luu.

Masamu 147:19

Akapeela ilandwe lyakwe ku antu yakwe, amasunde yakwe na malamulo yakwe.

Masamu 36:1

1 Uyi ukalyolyosya umuntu umu mwenzo wakwe, cakuti wene kusi nu kusakamala kuli Leza nanti ukumukwatila icoopo.

Masamu 36:6

Ulungami wako waya uzyantile wa myamba itali yakwe Leza. Imipingwile yako, nayo yaya wa kuzika kwakwe yemba. We Yawe, awewe ukawaka antu ni nyama kwene.

Kufuma 21:1

Yawe anena Mose ati, “Londolwela aina Izlaeli amasunde yaa.

Mapinda 8:13

Icoopo kuli Yawe kuli kupata uyi. Napata icilumba, imitumfyo, imiyele iipe ni ntumpu.

Ezaya 26:8

We Yawe, awewe twatailanga umu nzila ya upinguzi wako kwene. Izina lyako nu kukwiusya, ali vino umwenzo wane ukakumbwa sile.

Ezaya 45:19

Insikulandila mu umfisolo foo, nanti ukufisa vino nkapanga ukucita. Nsilonda kuti amu mupanda wakwe Yakobo yandonda cilondelonde apasi cimwi. Ne Yawe nkalanda icumi, nkamanyisya antu ivilungame.”

Milimo 10:22

Yaasuka yati, “Konelio musika wa vita watatutuma. Wene umuntu musuma wino akaoopa Leza, nga na Ayuda yamucindika cuze. Mungeli wa Mwene wamunenyile kuti akwame ku ng'anda yakwe, pakuti akuvwe cino waya vwanga.”

Loma 11:22

Pali cii, twalola vino Leza uwa luse nupya umukali. Wene umukali ku antu yano akapona, lelo kuli mwemwe uwa luse ndi mwatwalilila mu vintu vikalenga kuti aye nu luse. Pano limwi namwe kwene mungaputulwa.

Loma 2:2

Lyene twamanya vino upinguzi wakwe Leza kuli yakacita ya viipe uwa cumi.

Malango 4:8

Kusi umutundu uze nanti onga, nanti ungakula uli, uno wakwata amasunde aulungami wakwe yao yano natimusambilizya apilelo.

Umbwilo 15:3

nupya ala yakwimba lwimbo lwakwe Mose, muomvi wakwe, nga nu lwimbo lwa Mwana wa Mfwele, yati, “We Mwene Leza wa maka yonsi, milimo yako iikulu, nupya iyakuzunguka! We kateeka wa nko zyonsi, miyele yako iya ololoke nupya iya cumi!

Umbwilo 16:7

Lyene nuvwa izwi likuti, “We Mwene Leza wa maka onsi! Upinguzi wako uwa cumi nupya usi walufyengo!”

Umbwilo 19:2

Upinguzi wakwe uwa cumi nupya usi walufyengo! Wene watavunuka cizelele wino uwakowizye insi ku uzelele wakwe. Leza watamuvunuka pano wene wakoma aomvi yakwe.”

1 Samueli 12:24

Mwemo mulinzile ukuvwila Yawe intete nu kumutumikila ni myenzo inu yonsi. Tala iusyini ivintu ivikulu vino wene wamucitila.