Masamu 17:3 - Amazwi Yakwe Leza 2013

³ Nanti angala wemo wasakaula umu mwenzo wane, nupya wiza wampima usiku, wanjezya umu musango uli onsi, lelo pasi nanti umulandu umwi uno wazana. Nemo nsilanda iviipe.

Masamu 17:3 Iomraidhean Croise

1 Milandu 28:9

“Acino we mwanane Solomoni, wauvwila Yawe Leza wa vikolwe vyako, nu kumutumikila nu mwenzo wako onsi, umu kuitemelwa. Pasi pano Yawe akaceceta umwenzo wa muntu ali wensi, nu kumanya ilango ni vilondwa vitu vyonsi. Ndi cakuti wamulondalonda, ulamuzana. Lelo ndi wamufutatila, nawe kwene alakutazyela umuyayaya.

1 Milandu 29:17

We leza wane, imanyile ukuti wemo ukaezya umwenzo wa muntu ali wensi, nu kuti ukazangila mu muntu akacita ivisuma. Ndakai nailolela ni nsansa kuno antu yako yakupeela kunuli mu kuitemelwa.

Yobo 23:10

Lelo kwene Leza wamanya imipitile yane yonsi. Ndi cakuti angatemwa ukumvukuta umwi lungu, awe cumi angalola sile kuno niza nafuma mpee, wakwe zaabu.

Yobo 24:14

Ulazana ukuti icipondo cene calaya katondo tondo, kuti cikakome umupina nanti umulanda. Usiku cene ala waca, ali nsita yakuya umukwiyila auze.

Masamu 11:5

Yawe wapima mpiti umololoke nga ni nkakasi. Wapata uwatemwa ukang'ansi.

Masamu 119:106

Indi nu kusunga ulayo wane, uwakuyela amasambilizyo yako a ulungi.

Masamu 139:1

We Yawe, wanjezya nu kumanya wamanya.

Masamu 139:23

Ncecete, we Leza, ulole umwenzo wane, unjezye pakuti umanye vino nkaelenganya.

Masamu 16:7

Nalumbanya Yawe, wiyo akampanda amano. Umwenzo wane ukanceula nu usiku kwene.

Masamu 26:2

Utale uncecete, we Yawe, nu kunjezya. Umpime umu myelenganyizizye yane nu muvilondwa vyane.

Masamu 39:1

Navwanzile inti, “Namatekanyanga umu mipitile yane, apakuti akanwa kane katalanda iviipe. Namalemanga pa kanwa kane insita yonsi, lino antu aipe yali umupipi nani.”

Masamu 66:10

We Leza, ala watwezya, watusambula wakwe vino yakaengulula siluva umu moto.

Masamu 7:4

ukuletelela cuza wane, nanti ukulandula kuli umwi uwamfyenzile,

Mapinda 13:3

Yayo akazilizya utunwa twao yakaisungila uumi, lelo yacuma maingwe yene yakayonona aeneco.

Yelemiya 12:3

Lelo wemo Yawe wamanya, nupya ukalola vino nkacita na vino nakutemwa. Antu yaa aipe, wemo uyatintanye wa mfwele zino yakutwala ku kukomwa. Yawakilile mpaka uwanda wa kukomwa uce usuke ufike.

Yelemiya 50:20

Umu manda yaya na pa kasita kaka, mu mpanga yakwe Izlaeli mutalaya uyi foo, ni mpanga yakwe Yuda mutalaya inkota foo. Pano insyazi izilasyalako, ndaziyelela uluse.” Ivyalanda ne Yawe.

Oseya 7:6

Myenzo yao ikupya wa moto mu citofu. Usiku onsi, ukali wao ukasuuka, nga akatondo iulunkuma wa cimbilimbili ca moto.

Mika 2:1

Kalanda ku antu akapanga ukucita inkota, na kuli yao yano usiku onsi yakaelenganya ukucita iviipe. Lino yazyuka akatondo iyatandika ukucita iviipe, pano ala yakweti amaka.

Zakaliya 13:9

Cipande ca antu calenga vitatu cino casyala penepo cili cino nemo ndezya, nu kuyazifya ndi vino yakaengulula siluva, nupya ndayezya ndi vino yakaezya zaabu. Yalaalaizya izina lyane, nani ndayuvwa nu kuyanena inti, ‘Mwemwe antu yane.’ Nga nayo yalavwanga yati, ‘Wewe uli Leza witu.’ ”

Malaki 3:2

Uzye aweni alaposya apa wanda uno wene alawela? Uzye aweni alimilila apa wanda uno wene alaloleka? Pasi pano wene alaya wa moto wakwe yasimusyanyi nanti wakwe sopo uwa muntu akufula.

Milimo 11:23

Lino wafisile nu kulola vino Leza wapolelile antu, aya nu luzango nga ayanena yonsi kuti mu myenzo yao yatwalilile mu utailo ni cumi ku Mwene.

Milimo 16:9

Mu usiku kwene ulya Paulo waweni cilolwa muno waweni umwina Makedoniya ala aimi akumupapatila ati, “Lamba wize ku Makedoniya utwazwe.”

1 Kolinto 4:4

Mumwenzo wane muli cumi, lelo cii cisyakusininkizya ukuti nene wakaele. Mwene aliwe akampingula.

2 Kolinto 1:12

Tungaitumika pano yakampingu itu yasininkizya kuno tuli ukuti umi witu muno nsi waya uwa cumi nupya uwaula ucenjezi, maka maka lino twali mu utandano namwe. Nupya twatungululwanga na maka acikuku cakwe Leza kuluta kutungululwa na mano ya untu.

Yakobo 3:2

Lili lingi swensi kwene tukaluvyanya. Lelo ndi cakuti muntu umwi asyaluvyanya mu mazwi yano akalanda, ala umuntu wiyo umufumaluke nupya wene ali na maka akukanya mwili wakwe onsi.

1 Petulo 1:7

Mulimo wa kweziwa ukusininkizya cumi ca utailo winu. Wakwe vino zaabu, wino akaononeka, yakamwezya pa kumoca mu moto kuti yalole ndi umukome, avino nu utailo winu uno waluta pali zaabu ndi waposya mukweziwa, lyene mulatasiwa nu kupelwa lulumbi nu mucinzi pa wanda uno Yesu Klistu alasokololwa.

1 Samueli 24:10

Ilelo watuilolela wemwisikulu vino Yawe waliwakupeela mu makasa yane mukasi ki cele. Yamwi iyankonkomezya kuti nkukome, lelo inakana ukucita cico. Ninayanena nati, ‘Ntanganezye ukucitila umusambazi wane cimwi iciipe, pamulandu wakuti wene umusololwe wakwe Yawe.’

1 Samueli 24:12

Si Yawe ale apingule pakasi kakwe wewe nani. Lelo nanti angala wene amandandwila, ntalatala nkucitile iciipe icili consi.

1 Samueli 26:11

Lelo nemo Yawe wandesya ukukoma umuntu wino wene wasolola ukuya umwene. Wemo senda sile isumo lyakwe lino asimfile pipi nu mutwe wakwe nga ni ntungo ya manzi, nga twapita.”

1 Samueli 26:23

Yawe akalambula cila muntu wino akacita ivya wololoke nupya uwacumi. Wemo ilelo kwene Yawe alile watakumpalamikila. Lelo nemo ntali nkulonda ku kukoma, wewe wemuno Yawe umwisikulu wasolola ukuya umwene.