Masamu 16:8 - Amazwi Yakwe Leza 2013

⁸ Lyonsi nkumanya ukuti Yawe ali panondi, ali pipi ukwi kasa lilunji lyane, fwandi kusi icingantenkanya.

Masamu 16:8 Iomraidhean Croise

Masamu 109:31

Yawe akavwangila umupina, nu kumupususya kuli yao akamupingwila ukufwa.

Masamu 110:5

Umwene waya nawe ukwi kasa lilunji. Alavyengola yamwene uwanda uno alasoka.

Masamu 121:5

Yawe akakuwaka, wene ali umu mbali yako, ukwi kasa lilungi.

Masamu 139:18

Nga nati nkanjipende, awe cumi yavulisya ukuluta umusensenga, nanti ningezya ukupenda likwene lino tuli nawe.

Masamu 15:5

Wiyo asilonda ukukwilila umu mpiya zino wakongwesya. Wiyo asipokelela amafukakanwa pakuti yafyenge uwakaele. Muntu wino akacita ivintu vii, pasi icintu nanti conga icingamuponya.

Masamu 21:8

Ali cino umwene alanyata anisi yakwe, alavwangatila yayo yonsi amupata.

Masamu 62:3

Uzye mwemwe mwensi, cingamusumbila insita uli, apa kuzanza umuntu nu kumucisa? Uzye kwene mwensi mungafwanta pansi, wiyo ayendime wa mulungu umokoke, nanti ali wi linga iliongoloke?

Masamu 62:6

Wenga mpo, ali ciliwe cane nu ufyusi wane. Ali muno nkazina, intalatala ntelengane.

Masamu 62:7

Ufyusi wane nu ucindami wane, vyasintilila muli Leza. Ali ciliwe cino nkazina mwenemo, ali muno nkauwa.

Masamu 73:23

Lelo kwene insita sile yonsi, awewe tukaya nawe, nu kundemelela awewe ukandemelela kweneko.

Masamu 73:26

Nanti sile umwili wane nu mwenzo wane vingatontenkana, we Leza, wewe uli maka yane, awewe nkalukisya pee!

Ayebulai 11:27

Utailo uwalenzile kuti Mose afume mu Eguputo kwaula koopa ukali wakwe kateeka. Wene wakanyile kuswilila pano cali kwati waweni Leza wino asyaloleka.