Masamu 149:2 - Amazwi Yakwe Leza 2013

² Izlaeli kazangile muli wiyo uwa muumvile. Antu amu Zioni kayazangile umu Mwene wao.

Masamu 149:2 Iomraidhean Croise

Yobo 35:10

Lelo kusi nanti wenga akavwanga ati, ‘Uzye Leza kaumba wane ali kwi, wiyo akaleka ukuti inyimbo zya luzango zyuvwike usiku.

Masamu 47:6

Imbilini Leza inyimbo zyakumulumbanya, si aleni imbangini mwe! Imbilini amalumbo uku musambazi.

Masamu 95:6

Izini twingile, katukontamike amausyu itu tumupepe, lekini tufukamile Yawe Kaumba witu!

Ezaya 43:15

Nene indi Yawe, Wamuzilo wakwinu wilya, Kaumba wakwe Izlaeli. Nenga mpo, nene indi Mwene winu.”

Ezaya 52:7

Iye mwe, vino ingazo zya nkombe yi landwe lisuma zyayemba lino akutelemuka ukufuma ku myamba. Waleta ilandwe lya longo ni nsansa. Wasowela ukuluzi nu kunena Zioni vino Leza wakwe akuteeka.

Ezaya 54:5

Pano uwakuumba kwene aliwe alaya uwako. Izina lyakwe a Yawe Wamaka yonsi. Ali Katuula wako Wamuzilo wakwe Izlaeli, akaamwa Leza wa nsi yonsi.

Yowelo 2:23

“Mwe ina Zioni, zangini nu kusansamuka pamulandu wa vintu vino Yeona watamucitila. Wene watamuyela amizu apakumupeela imvula muli zuwazuwa nupya ivulisye cuze, ukufuma ku miundo mpaka uku mwela, ndi vino cali uku mpiti.

Habakuku 1:12

We Yawe, uzye usi wewe uwayelelela? Wewe uli Leza wane, wewe uli Wamuzilo wane wilya, aasifwa. We Yawe, wewe wasolola antu yayo kuti yalete upinguzi panotuli. Wewe uli ninga itu yakuzinamo, wemuno wika antu yayo kuti yatuvunuke.

Zefaniya 3:14

Si aleni saulini ulwimbo lwa nsansa mwe ina Izlaeli, mwangulisye nu kuzanga nu mwenzo onsi!

Zefaniya 3:15

Ala Yawe wene watalovya anisi inu, Watalovya yayo yonsi akamucuzya. Yawe uwamuteeka mwemwe mwe ina Izlaeli, ali namwe, fwandi kusi icakuti mwaoopa foo.

Zakaliya 9:9

Sansamukini sile mwe ikazi amu Zioni! Umilini tupundu mwe ina Izlaeli! Lolini umwene winu awilya akwiza kuno muli! Wiza yakumucinila isoonga, pano watacimvya, lelo kwene wataicefya akuipitila pali punda, nawe indama mwana punda.

Mateo 21:5

“Nenini antu amu musumba wa Zioni muti, ‘Lolini, Mwene winu akwiza kunomuli! Wene umufuke, nupya akwezile pali punda. Wene akwiza nupya akwezile pali mwana punda.’ ”

Mateo 25:34

Lyene Mwene alanena yao ali kwi kasa lilunji lyakwe ati, ‘Izini, mwe apolelelwe yakwe Tata. Ingilini mu Wene uno wateyanyizizye mwemwe kufuma ku utandiko wa uumbo wa insi.

Luka 19:27

Lelo anisi yane yano atalondanga kuti inje mwene wao yaletini kuno nu kuyakoma pa manso yane.’”

Luka 19:38

ala likuti, “Walongo a kateeka akwiza mwi zina lya Mwene! Mutende uye mwiyulu, nu lulumbi kuli Leza mwiyulu papelapela!”

Yoane 19:15

Caleka yasanzika mazwi yao yati, “Mukome! Mukome! Atanwe pa lupanda!” Pilato ayauzya ati, “Uzye mukulonda ntane mwene winu pa lupanda?” Yasimapepo akalamba yaasuka yati, “Tutakweti mwene muze suka Kesa!”

Malango 12:7

Papa kwene pa manso yakwe Yawe ali pano mulalya nu kusansamuka na ang'anda zinu pamulandu nu usuma wa vintu vino Yawe Leza winu wamupeela, vino mwaombile.

Filipi 3:3

Swemo tusi wakwe alio, pano twasilamulwa mucumi, tukapepa Leza kupitila mu maka yakwe Mupasi Wamuzilo nga nu kuitumika muli Klistu Yesu. Swemo tusyataila vino yakacita ku mili.

Umbwilo 19:6

Lyene nuvwile izwi lino lyuvwikike kwati iumba likulu, nupya kwati kupooma kwa cipoma nu kupangalansya kukulu. Nuvwile yakuti, “Aleluya! Pano Mwene Leza witu uwa maka, ali Kateeka!

1 Samueli 12:22

Pasi pano pamulandu wakucindika izina lyakwe ilikulu Yawe atalamutazyela awe, pamulandu wakuti wene walapa nu mulapo ukuti amamucita ukuya antu yakwe kololo.